اقمولا وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى كوكشەتاۋ قالاسىنىڭ تۇرعىنى ەسىرتكى زاتتارىن پايدالاناتىنى, سونداي-اق ولاردى تۇرعىلىقتى جەرىنە جەتكىزۋمەن جانە وتكىزۋمەن اينالىساتىنى تۋرالى اقپارات الدى.
جەدەل-ىزدەستىرۋ ءىس-شارالارىن جۇرگىزۋ بارىسىندا پوليتسەيلەر كۇدىكتىنى ۇستادى. ناتيجەسىندە ودان 1,5 كەلىگە جۋىق گاشيش, سونداي-اق بولشەك ساۋدانى جۇزەگە اسىرۋعا ارنالعان قۇرىلعىلار تاركىلەندى.
سوت وتىرىسى بارىسىندا ەر ادام كىناسىن مويىندادى. سوت ۇكىمىمەن 48 جاستاعى سوتتالۋشى قر قك 297-بابى 3-بولىگى بويىنشا كىنالى دەپ تانىلىپ, توتەنشە قاۋىپسىزدىك قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ, 12 جىل مەرزىمگە باس بوستاندىعىنان ايىرىلدى.
