سەناتورلار رەسپۋبليكالىق بيۋدجەت جوباسىن پالاتا قابىرعاسىندا قاراۋ كەزىندە وعان جۇزدەن استام ۇسىنىس ەنگىزدى.
دەپۋتاتتار اۋىلداعى ءومىردى جاقسارتۋ ءۇشىن اۋىل جولدارى مەن كوپىرلەرىن سالۋعا جانە جوندەۋگە قوسىمشا 13,7 ملرد تەڭگە ءبولۋدى ۇسىنعان.
سونداي-اق سۋمەن جابدىقتاۋ ماسەلەسى دە دەپۋتاتتاردىڭ نازارىنان تىس قالماپتى: سۋ قۇبىرى جەلىسىن سالۋعا جانە جاڭعىرتۋعا قوسىمشا 22,2 ملرد تەڭگە ءبولىندى. وسىنىڭ ارقاسىندا قالا تۇرعىندارىنىڭ 99%-ى جانە اۋىل تۇرعىندارىنىڭ 96%-ى تازا اۋىز سۋ الاتىن بولدى.
سەناتورلار گازداندىرۋ ماسەلەسىنە دە كوڭىل اۋدارىپ, گازبەن جابدىقتاۋعا قوسىمشا 14 ملرد تەڭگە ءبولۋ جونىندە ۇسىنىستار ەنگىزدى.
بۇل تۋرالى سەنات وتىرىسىندا قارجى جانە بيۋدجەت كوميتەتىنىڭ توراعاسى سەرىكباي ترۇموۆ ايتتى.
«وسى زاڭ جوباسىن تالقىلاۋ بارىسىندا تۇراقتى كوميتەتتەر مەن دەپۋتاتتاردان وزگەرىستەر مەن تولىقتىرۋلار ەنگىزۋ جونىندە 113 ۇسىنىس ءتۇستى. ءۇش جىلدىق كەزەڭگە بارلىعى 71,8 ملرد تەڭگە سومانىڭ, ونىڭ ىشىندە 2023 جىلعا 30,0 ملرد تەڭگەنىڭ ۇسىنىسى قولداۋ تاپتى. ۇكىمەت رەزەرۆىن قايتا ءبولۋ ەسەبىنەن شىعىستار ۇلعاياتىن بولادى», دەدى سەرىكباي ترۋموۆ.
