ال الەمدە بۇل كورسەتكىش كەرىسىنشە تومەندەگەن. مىسالى, اقش-تا اۆتوكولىك ساتىلىمى ءبىر جىلدا 13%-عا, شىعىس ەۋروپادا 31%-عا ازايعان.
LMC Automotive پورتالىنىڭ مالىمەتىنشە, بيىلعى جىلدىڭ ءۇش توقسانىندا الەمدە جەڭىل كوممەرتسيالىق كولىكتەردىڭ ساتىلىمى 59,5 ميلليون دانا بولعان, بۇل - 2021 جىلمەن سالىستىرعاندا 2%-عا از. نارىقتىڭ بىرتە-بىرتە قالپىنا كەلۋى كوبىنە جەتەكشى ەل قىتايداعى جاعدايدىڭ جاقسارۋىنا بايلانىستى بولعان, وندا ساتىلىم 8,2%-عا ءوسىپ, 19,4 ملن كولىكتى قۇراعان.
سونداي-اق باسقا ەلدەردەگى جاعدايعا كەلسەك, ءالى دە پەسسيميستىك كورسەتكىشتە: مىسالى, وڭتۇستىك كورەيادا وتكەن جىلمەن سالىستىرعاندا ساتۋ كولەمى 6%-عا, جاپونيادا – 10,1%-عا, باتىس ەۋروپادا – 11,7%-عا جانە اقش-تا – بىردەن 12,9%-عا تومەندەگەن.
شىعىس ەۋروپادا (تۇركيانى قوسا العاندا) جاڭا جەڭىل اۆتوكولىكتەر مەن جەڭىل كوممەرتسيالىق كولىكتەردىڭ ساتىلىمى 30,5%-عا تومەندەدى.
كورشىلەس رەسەيدەگى اۆتوكولىك ديلەرلەرى ءۇشىن جاعداي ءالى دە تۇراقتى ەمەس. 2022 جىلدىڭ قاڭتار-قىركۇيەك ايلارىندا ساتىلىم بار بولعانى 506,7 مىڭ جاڭا اۆتوكولىك پەن جەڭىل كوممەرتسيالىق كولىكتى قۇراعان. بۇل بىلتىرعىمەن سالىستىرعاندا 59,8% از.
ال قازاقستاندا جاعداي كەرىسىنشە, ساتىلىم وتكەن جىلمەن سالىستىرعاندا 0,4%-عا وسكەن. بيىل شامامەن 87 مىڭ اۆتوكولىككە دەيىن ساتىلعان. ءبىر قىزىعى, جالپى الەم بويىنشا دا 2022 جىلى ساتۋدىڭ ورتاشا ءوسىمى 0,4% قۇراعان.
