كەش ء«ومىرى ونەگەلى ۇستاز» كورمەسىنەن باستاۋ الىپ, ۇلكەن ساحنادا ۇستازدىڭ اعارتۋشىلىق جولىن باياندايتىن بەينەفيلممەن جالعاستى. كەشتى ايتىسكەر اقىن, مادەنيەت سالاسىنىڭ ۇزدىگى, فيلولوگيا عىلىمدارىنىڭ كانديداتى انار جاپپارقۇلوۆا جۇرگىزدى. كەشتى اشقان اۋدان اكىمى س.سۇلتانحانوۆ اۋدان تۇرعىندارىن 25 قازان – رەسپۋبليكا كۇنىمەن قۇتتىقتاي كەلىپ, ءومىرىن اعارتۋ سالاسىنا ارناعان ۇستازدىڭ ونەگەلى ىستەرى ۇرپاققا ۇلگى ەكەنىن جەتكىزىپ, مەرەيتوي يەسىنە اۋدان حالقىنىڭ ىستىق ىقىلاسىن جەتكىزدى. ءشاۋىلدىر اۋىلدىق ارداگەرلەر كەڭەسىنىڭ توراعاسى م.تەمىربەك, اقىن ب.سۇلتاەۆ تا قۇتتىقتاۋ ءسوز سويلەپ, ۇستازعا سىي-سىياپاتتارىن جاساپ, قۇرمەت كورسەتتى.
سونداي-اق ج.نالىباەۆانىڭ ءالى سياسى كەپپەگەن ء«تىلاشار» اتتى جاڭا كىتابىنىڭ تۇساۋكەcەر ءراسىمى جاسالدى. جاس اقىن احمەتراسۋل بايانباي اپاسىنا دەگەن ارناۋ ولەڭىن وقىسا, ايتىسكەر اقىندار د.اقساقالوۆ پەن د.پولاتباەۆ ايتىسىپ, كوپشىلىكتىڭ قوشەمەتىنە بولەندى. كەش بارىسىندا جۇماگۇل اپايدىڭ باۋىرى, سوزاقتىق جايساڭباي بايباتىر «سۇگىردىڭ تەرمەسىن» ناقىشىنا كەلتىرە ورىنداسا, بۇگىندە ەلىمىزدىڭ تۇكپىر-تۇكپىرىندە ءتۇرلى سالادا قىزمەت ەتىپ جۇرگەن سەرىك سەيىتمان, نارتاي سۇلەيمەنوۆ, مەيرامكۇل قۇرماناليەۆا باستاعان ءبىر توپ شاكىرتى ۇستازدارىن ارنايى قۇتتىقتاپ, جۇرەكجاردى اق تىلەكتەرى مەن ىستىق ىقىلاستارىن ءبىلدىردى. سونىمەن قاتار ۇستازىمىزدىڭ ۇل-قىزدارى مەن نەمەرەلەرى دە قۇتتىقتاۋ ءسوز سويلەپ, ارناۋ ولەڭدەرىن وقىدى.
كەش سوڭىندا مەرەيتوي يەسى اۋدان اكىمدىگىنە, مادەنيەت ءبولىمى مەن ۇيىمداستىرۋشىلارعا جانە قوشەمەت كورسەتىپ وتىرعان بارشا كورەرمەنگە العىسىن ءبىلدىردى.
انار جاپپارقۇلوۆا,
ءال-فارابي اتىنداعى شىمكەنت قالالىق عىلىمي-امبەباپ كىتاپحاناسىنىڭ ديرەكتورى
