وقۋدىڭ جىلدىق اقىسىن تولەپ, جاتاقحانادا ورىن بولماسا پاتەر جالداپ, باسقا دا شىعىندارىن موينىنا الىپ, شىر-پىرى شىعادى. مۇنىسىن وزدەرىنشە اتا-انالىق پارىز سانايدى. بالاسى وسىنداي الاشاپقىندى ءتۇسىنىپ, ءبارى اكە-شەشە ويلاعانداي بولىپ جاتسا, كانەكەي!
شىن مانىندە مەكتەپتە دۇرىس وقىماعان بالادان نە شىعادى؟ اقىلى نەگىزدە ءبىلىم العان شالا ساۋاتتى جاس مامان كەيىن قالاي, قايدان جۇمىس تابادى؟ مىنە, گاپ قايدا جاتىر! بىراق اتا-انانىڭ ونىمەن ءىسى جوق, ءتىپتى بالاسىنا مايلى ورىنداردى قاراستىرۋعا تىرىسادى. مىنە, قوعامداعى پاراقورلىق پەن جەمقورلىق وسى جەردەن باستاپ تۋىندايدى. وكىنىشكە قاراي, بۇگىندە جوو-لاردا ءبىلىمى وقۋىنا ساي ەمەس بالالار وتە كوپ.
ماسەلەن, باتىستاعى دامىعان ەلدەردە جاسوسپىرىمدەردىڭ 70-80 پايىزى كوللەدجدەردە وقيدى, ياعني ءبارى بىردەي جوعارى وقۋ ورىندارىنا ۇمتىلمايدى. ءبىز ءۇشىن ناعىز ۇلگى الاتىن ءۇردىس. ۇلگەرىمى تومەن نە ورتاشا بالا 10-11 سىنىپتارعا جىبەرىلمەي كوللەدجدەرگە ورنالاستىرىلىپ, ناعىز كاسىبي ماماندىق بەرۋ جاعى قولعا الىنسا, جاستار پروبلەماسىنىڭ ءبىرشاما شەشىلەتىنى كۇمانسىز.
مۇندا ءبىر ەسكەرەتىن جاعداي, اتالعان ماسەلەدە سان جاعىنا ەمەس, ساپا جاعىنا باسا ءمان بەرىلۋگە ءتيىس. ول ءۇشىن, ارينە, سالالىق مينيسترلىكتىڭ جاستارعا كاسىپتىك ءبىلىم بەرۋ ءىسى جان-جاقتى قاراستىرىلعان ناقتى باعدارلاماسى بولۋى شارت. مىنە, بۇگىنگى جاستاردىڭ وقۋ-بىلىمگە دەگەن ىنتاسىن ارتتىرىپ, ولاردى جۇمىسپەن قامتۋدىڭ بىردەن-ءبىر ءتيىمدى جولى وسى بولماق.
بەردالى رىسبەكوۆ,
زەينەتكەر ۇستاز
تۇركىستان وبلىسى,
كەلەس اۋدانى
