الماتىدا قاسىم-جومارت توقاەۆ تاپسىرماسىنا سايكەس ء«مولدىر بۇلاق» باستاماسى جانە «تازا قازاقستان» جالپىۇلتتىق جوباسى اياسىندا «جاڭا ادامدار» قوزعالىسى اۋقىمدى ەكولوگيالىق اكتسيا وتكىزدى. ەلدىڭ ءار وڭىرىنەن كەلگەن 1000-نان استام بەلسەندى ۇلكەن الماتى وزەنى جاعالاۋىنداعى اۋماقتى تازالاۋعا شىقتى.
ەرەكشە فورماتتا, ديدجەي-سەت اۋەنىمەن وتكەن شارا بارىسىندا قاتىسۋشىلار جاعالاۋدى قوقىستان تازارتىپ, 20 توننادان استام قالدىق جينادى.
اكتسيا زاماناۋي ەكولوگيالىق مادەنيەتتى قالىپتاستىرۋدىڭ جاڭا ۇلگىسىنە اينالدى. ءىس-شارا تەلەارنالار مەن بۇقارالىق اقپارات قۇرالدارىندا كەڭىنەن جاريالانىپ, ەكولوگيالىق جاۋاپكەرشىلىك ماسەلەسىنە قوعام نازارىن اۋدارتتى. بۇل تەك اۋماقتىڭ تازالىعى عانا ەمەس, وي تازالىعى تۋرالى دا.
«تازا قازاقستان»: بيىل الماتىدا 550 مىڭنان استام اعاش وتىرعىزىلادى
سونىمەن قاتار, «جاڭا ادامدار» اكتسيا بارىسىندا قوزعالىستىڭ فيرمالىق بىرەگەيلىگىمەن بەزەندىرىلگەن بىرنەشە رەت قولدانىلاتىن بوتەلكەلەردى تانىستىردى. بۇل – بىررەتتىك پلاستيكتەن باس تارتۋعا باعىتتالعان جاھاندىق ءۇردىستى قولداۋدىڭ ءبىر كورىنىسى. كوپ مارتە قولدانىلاتىن زاتتاردى سانالى تۇردە پايدالانۋ تۇراقتى ءومىر سالتىنىڭ ءبىر بولىگىنە اينالىپ, قورشاعان ورتانىڭ لاستانۋىن ايتارلىقتاي ازايتۋعا مۇمكىندىك بەرەدى.
ء«مولدىر بۇلاق» باستاماسى وسى قاعيداتتاردىڭ ءىس جۇزىندەگى جالعاسى: بۇلاق كوزدەرىن, جاعالاۋ ايماقتارىن جانە سۋ ايدىندارىن تازارتۋ, سونداي-اق اۋلالار, ساياباقتار مەن قوعامدىق كەڭىستىكتەردى رەتكە كەلتىرۋ جۇمىستارىن قامتيدى.
«تازا قازاقستان»: استانادا 483 جۇك كولىگىنىڭ جۇرگىزۋشىسىنە ايىپپۇل سالىندى
