اتا-انا بالاسىنىڭ ساعات 13:00 شاماسىندا جوعالىپ كەتكەنىن حابارلاعان. ول تۋرالى باعدارلار پەتروپاۆلدىق پوليتسيانىڭ بارلىق جەكە قۇرامىنا جانە وبلىستىق پوليتسيا دەپارتامەنتىنىڭ سىرتقى قىزمەتتەرىنە جىبەرىلدى. ىلە-شالا ءتارتىپ ساقشىلارى قالا كوشەلەرىندە بالانى ىزدەۋگە كىرىسكەن.
ناتيجەسىندە بالانى پوليتسيا قىزمەتكەرلەرى يۆان ەريومەنكو مەن جان ورازالين مىنگەن پاترۋلدىك پوليتسيا باتالونىنىڭ ەكيپاجى تاۋىپ الدى. ولار ساياجايلاردىڭ ءبىرىن قاراپ شىققان سوڭ قالا كوشەلەرىنە قاراي ويىسقان. ءتارتىپ ساقشىلارى جوعالعان بالا ءوز ۇيىنەن الىس ەمەس جەردە كورشىسىمەن اڭگىمەلەسىپ تۇرعانىن بايقاپ قالعان. وسىدان كەيىن ابدەن ابىرجىعان اتا-اناسىنا دەرەۋ ۇلدارىنىڭ تابىلعانى جايلى ايتىلدى. ال ەرىكتىلەر تەز ارادا الەۋمەتتىك جەلىلەردە بالانىڭ وتباسىمەن قاۋىشقانىن حابارلادى.
– بالا اداسىپ كەتكەن, ويتكەنى وتباسى جاقىندا جاڭا مەكەنجايعا كوشىپ كەلگەن. يۋۆەنالدىق پوليتسەيلەر اتا-اناسىمەن پروفيلاكتيكالىق اڭگىمە وتكىزدى. پەتروپاۆلدىقتاردان كىشكەنتاي بالالاردى نازاردان تىس قالدىرماۋىن سۇرايمىز. ەگەر ولار جوعالىپ كەتسە, دەرەۋ «102» ارناسىنا حابارلاسىڭىزدار, – دەيدى پەتروپاۆل قالاسى پب باستىعىنىڭ ءبىرىنشى ورىنباسارى الىبەك عابدۋللين.
