فوتو: اشىق دەرەككوز
الماتى قالاسى پوليتسيا دەپارتامەنتىنىڭ مالىمەتىنشە, قازىرگى ۋاقىتتا وقيعانىڭ ءمان-جايىن بوستاندىق اۋداندىق پوليتسيا باسقارماسىنا قاراستى ءبولىم انىقتاپ جاتىر.
«وقيعانىڭ بارلىق ءمان-جايى انىقتالادى. تەكسەرۋ ناتيجەسى بويىنشا قازاقستان رەسپۋبليكاسىنىڭ قولدانىستاعى زاڭناماسىنا سايكەس پروتسەسسۋالدىق شەشىم قابىلدانادى», دەپ حابارلادى پوليتسيا دەپارتامەنتى.
مارقۇمنىڭ تۋىستارىنىڭ ايتۋىنشا, 29 جاستاعى ەر ادام كينوتەاترعا بۇرىنعى سىنىپتاسىمەن بىرگە كەلگەن. سەانس الدىندا ول پوپكورن ساتىپ الىپ, كەيىن ءوزىن جايسىز سەزىنە باستاعان. العاشىندا ونىڭ جۇرەگى اينىپ, كەيىن قايتا زالعا ورالعان. ءبىراز ۋاقىتتان سوڭ تاماعى قىشىپ, جۇرەگى اۋىرعانىن ايتىپ, ەسىنەن تانىپ قالعان.
بەلگىلى كاسىپكەر ءارى بلوگەر ساۋلە بازارحان پلاستيكالىق حيرۋرگيا كلينيكاسىندا كوز جۇمدى
كۋاگەرلەردىڭ سوزىنشە, كينوتەاتر قىزمەتكەرلەرى مەن كەلۋشىلەر جەدەل جاردەم كەلگەنگە دەيىن العاشقى كومەك كورسەتۋگە تىرىسقان. الايدا كەيبىرى ساۋدا ورتالىعىندا مەديتسينا قىزمەتكەرلەرى بولماعانىن ايتقان. جەدەل جاردەم شامامەن 15-20 مينۋتتا جەتكەنىمەن, ەر ادامدى امان الىپ قالۋ مۇمكىن بولماعان.
ەسكە سالا كەتەيىك, بۇعان دەيىن رۋدنىيدا جەدەل جاردەم كولىگى جاياۋ جۇرگىنشىنى قاعىپ كەتكەن ەدى.
