قازاقستان • 30 قىركۇيەك، 2022

ءاليحان سمايىلوۆ اتىراۋ وبلىسىن دامىتۋ جولدارىن تالقىلادى

82 رەت كورسەتىلدى

​​قر پرەمەر-ءمينيسترى ءاليحان سمايىلوۆ اتىراۋ وبلىسىن دامىتۋدىڭ وزەكتى پروبلەمالارىن شەشۋ ماسەلەلەرى بويىنشا كەڭەس وتكىزدى، دەپ حابارلايدى Egemen.kz.

كەڭەس بارىسىندا اۋىلدىق ەلدى مەكەندەردى سۋمەن جابدىقتاۋ، وبلىستىق جانە اۋداندىق ماڭىزى بار كوپىرلەر مەن اۆتوموبيل جولدارىن سالۋ، كوپفۋنكتسيونالدى مەديتسينالىق مەكەمە، كارىز-تازارتۋ قۇرىلىستارىن رەكونسترۋكتسيالاۋ، «بولاشاق» زاۋىتىندا جانە سۋلاندىرۋ-سۋارۋ كانالدارىندا جوندەۋ جۇمىستارىن اياقتاۋ، اۋىل شارۋاشىلىعى قۇرىلىمدارىن قولداۋ ءۇشىن قوسىمشا قاراجات ءبولۋ، ءۇش اۋىسىمدى وقىتۋدى قىسقارتۋ، ءبىلىم بەرۋ نىساندارىن سالۋ جانە ت. ب. ماسەلەلەر تالقىلاندى.

وبلىس اكىمى سەرىك شاپكەنوۆ، يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ، ەنەرگەتيكا ءمينيسترى بولات اقشولاقوۆ، اۋىل شارۋاشىلىعى ءمينيسترى ەربول قاراشوكەەۆ، وقۋ-اعارتۋ ءمينيسترى اسحات ايماعامبەتوۆ، سونداي-اق ەكولوگيا، گەولوگيا جانە تابيعي رەسۋرستار ۆيتسە-ءمينيسترى ءزۇلفيا سۇلەيمەنوۆا، قارجى ۆيتسە-ءمينيسترى تاتيانا ساۆەلەۆا جانە دەنساۋلىق ساقتاۋ ۆيتسە-ءمينيسترى جاندوس بۇركىتباەۆ بايانداما جاسادى.

يندۋستريا ءمينيسترى بيىل جەرگىلىكتى جولدار جەلىسىن سالۋعا جانە رەكونسترۋكتسيالاۋعا 13،6 ملرد تەڭگە بولىنگەنىن حابارلادى: قۇرىلىس-مونتاجداۋ جۇمىستارىنىڭ بارلىق تۇرلەرىمەن 45 كم جول قامتىلدى. جىل قورىتىندىسى بويىنشا ولاردىڭ نورماتيۆتىك جاعدايداعى ۇلەسىن 74%-عا دەيىن جەتكىزۋ جوسپارلانۋدا.

پرەمەر-مينيستر جولداردىڭ ساپاسىن جاقسارتۋ بويىنشا جۇمىستاردى جەدەلدەتۋ قاجەت ەكەنىن اتاپ ءوتتى، قازىرگى كەزدە بۇل – ەلىمىزدەگى ەڭ تومەن كورسەتكىشتەردىڭ ءبىرى.

«ەگەر بيتۋم جەتكىزۋدى تەزدەتپەسەك، ونىڭ قىستا قاجەتى بولماي قالادى. بارلىق شەشىمدەر ءتيىستى دەڭگەيدە قابىلداندى. بۇل ماسەلەنى كۇندەلىكتى باقىلاۋعا الىپ، بيتۋم جەتكىزۋدى جەدەلدەتۋ قاجەت»، — دەدى ءاليحان سمايىلوۆ.

كەڭەستى قورىتىندىلاي كەلە، پرەمەر-مينيستر مەملەكەتتىك ورگاندارعا اتىراۋ وبلىسىنىڭ اكىمدىگىمەن بىرلەسىپ، قارالعان بارلىق ماسەلەلەردى ۋاقىتىلى جانە تولىق پىسىقتاۋدى تاپسىردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار