مونەتالاردىڭ ساتىلىمعا تۇسەتىن كۇنىنە قاتىستى اقپارات ۇلتتىق بانكتىڭ رەسمي سايتىندا قوسىمشا حابارلانادى. كوللەكتسيالىق مونەتالار قازاق جازۋشىسى, ادەبيەتتانۋشى عالىم, دراماتۋرگ مۇحتار اۋەزوۆتىڭ تۋعانىنا 125 جىل تولۋىنا ارنالعان.
نومينالى 500 تەڭگەلىك مونەتالارعا توقتالساق, كۇمىس مونەتانىڭ ساپاسى – proof, ماسساسى – 24 گرامم, ديامەترى – 37 مم, تارالىمى – 2 مىڭ دانا
ال نومينالى 100 تەڭگەلىك مونەتالارعا كەلسەك, مەلحيور قوسپاسىنان دايىندالعان مونەتانىڭ ساپاسى – brilliant uncirculated, ماسساسى – 15 گرامم, ديامەترى – 33 مم, تارالىمى – 20 مىڭ دانا.
كوللەكتسيالىق مونەتالار قازاقستان رەسپۋبليكاسى اۋماعىندا ءوزىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانۋعا, ەلىمىزدەگى بانكتەردە شوتقا ەسەپكە الىنۋعا, اۋدارىلۋعا, ۇساقتالۋعا جانە ايىرباستالۋعا جاتادى.
كۇمىستەن جاسالعان مونەتالار مەملەكەتتىك تىلدە, ورىس جانە اعىلشىن تىلدەرىندە ۇلتتىق بانكتىڭ ءنومىرلى ساپا سەرتيفيكاتى بار كادەسىي ورامىندا بولادى. مەلحيور قوسپاسىنان جاسالعان مونەتالار جەكە بليستەرلىك ورامدا شىعارىلادى.
كوللەكتسيالىق مونەتالار قازاقستان تەڭگە سارايىندا دايىندالدى.
