پرەزيدەنت • 21 قىركۇيەك، 2022

پرەزيدەنت الماتىدا بۇۇ-نىڭ ايماقتىق ورتالىعىن اشۋدى ۇسىندى

55 رەت كورسەتىلدى

قازاقستان پرەزيدەنتى قاسىم-جومارت توقاەۆ الماتى قالاسىندا بۇۇ-نىڭ ورتالىق ازيا مەن اۋعانستان ءۇشىن ورنىقتى دامۋ ماقساتى جونىندەگى ايماقتىق ورتالىعىن اشۋ ماڭىزدى دەپ ەسەپتەيتىنىن  ايتتى، دەپ حابارلايدى  Egemen.kz.

«ورتالىق ازيا تۋرالى ايتار بولساق، ءبىز ونىڭ قازىردىڭ وزىندە حالىقارالىق ىنتىماقتاستىق ءۇشىن مول مۇمكىندىكتەرى بار ايماق ەكەنىن ەستە ۇستاۋىمىز كەرەك. ورتالىق ازياداعى ارىپتەستەرىمىزبەن بىرگە ايماقتى ودان ءارى دامىتۋ ماقساتىندا ءوزارا ساياسي ءىس-ارەكەتتى نىعايتۋعا جانە ەكونوميكالىق بايلانىستاردى تەرەڭدەتۋگە نيەتتىمىز. ءبىز تاتۋ كورشىلىك قارىم-قاتىناستاردى ساقتاۋعا جانە ىنتىماقتاستىقتى ارتاراپتاندىرۋعا بەيىلدىمىز. ءبىز – شىعىس پەن باتىستىڭ، وڭتۇستىك پەن سولتۇستىكتىڭ اراسىنداعى ارالىق نارىقپىز. ءبىز كليماتتىڭ وزگەرۋى، ارال تەڭىزى، سۋ رەسۋرستارىن ۇتىمدى پايدالانۋ، شەكارانى دەليميتاتسيالاۋ، ەكسترەميزمگە قارسى كۇرەس جانە ايماقىشىلىك ساۋدانى كەڭەيتۋ ماسەلەلەرىن قامتيتىن وڭىرلىك كۇن تارتىبىندەگى ماسەلەلەردى شەشۋ ءۇشىن بارلىق مۇددەلى تاراپتارمەن بىرلەسكەن جۇمىستاردى جالعاستىرۋعا نيەتتىمىز. سوندىقتان الماتى قالاسىندا بۇۇ-نىڭ ورتالىق ازيا مەن اۋعانستان ءۇشىن ورنىقتى دامۋ ماقساتى جونىندەگى ايماقتىق ورتالىعىن اشۋ ماڭىزدى دەپ ەسەپتەيمىز»، دەدى پرەزيدەنت.

قاسىم-جومارت توقاەۆ قازاقستان اۋعانستاننىڭ بولاشاعىن كورشى ەلدەرمەن بەيبىت قارىم-قاتىناستا بولاتىن شىنايى تاۋەلسىز، بەيتاراپ، ءبىرتۇتاس، دامىعان مەملەكەت رەتىندە كورگىسى كەلەتەنىن اتاپ ءوتتى. 

«سوندىقتان اسا ماڭىزدى گۋمانيتارلىق كومەك كورسەتە وتىرىپ، وسى ەلدە مەملەكەتتىلىك قالىپتاسۋىنىڭ كۇردەلى پروتسەسىن قولدايمىز»، دەدى مەملەكەت باسشىسى.

سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار