«بۇل ۇسىنىس. زاڭ جوباسى ءالى قاراستىرىلادى. حالىقارالىق تاجىريبە كورسەتكەندەي, ساقتاندىرۋ كومپانيالارى ناۋقاستىڭ قانشا قاراجات جۇمساعانىن جانە قانداي شىعىن بولعانىن انىقتايدى», دەپ اتاپ ءوتتى اجار عينيات ءماجىلىس وتىرىسىندا.
مينيستر ساقتاندىرۋ جارناسىنىڭ مولشەرى مەديتسينالىق قىزمەتكەردىڭ جاۋاپكەرشىلىك دارەجەسىن ەسكەرە وتىرىپ, بەيىندى باعىتتاعى ساقتاندىرۋدىڭ بەكىتىلگەن تاريفتىك مولشەرلەمەلەرى جانە جالاقى نەگىزىندە ايقىندالاتىنىن اتاپ ءوتتى.
ساقتاندىرۋشىنىڭ ساقتاندىرۋ جاعدايى بويىنشا جاۋاپكەرشىلىگىنىڭ شەكتى كولەمى «كولىك قۇرالدارى يەلەرىنىڭ اقج مىندەتتى ساقتاندىرۋ تۋرالى» قازاقستان زاڭىنا ۇقساس ەسەپتەلگەن.
وسىلايشا, ناۋقاستىڭ ومىرىنە نەمەسە دەنساۋلىعىنا كەلتىرىلگەن زيان ءۇشىن:
- ءولىم جاعدايىندا - 1 مىڭ اەك (3 063 000 تەڭگە);
- ءبىرىنشى توپتاعى مۇگەدەكتىك انىقتالعان جاعدايدا - 800 اەك (2 450 400 تەڭگە);
- ەكىنشى توپتاعى مۇگەدەكتىك انىقتالعان جاعدايدا - 600 اەك (1 837 800 تەڭگە);
- ءۇشىنشى توپتاعى مۇگەدەكتىك انىقتالعان جاعدايدا - 500 اەك (1 531 500 تەڭگە) ;
- بالادا مۇگەدەكتىك انىقتالعان جاعدايدا - 500 اەك (1 531 500 تەڭگە);
- مۇگەدەكتىك بەلگىلەنبەي دەنساۋلىققا زاقىم كەلتىرۋ - پاتسيەنتتى امبۋلاتوريالىق نەمەسە ستاتسيونارلىق ەمدەۋدىڭ ناقتى شىعىستارى مولشەرىندە - 300 اەك (918 900 تەڭگە).
ايتا كەتسەك, بۇگىن دەنساۋلىق ساقتاۋ ءمينيسترى اجار عينيات ءماجىلىس دەپۋتاتتارىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ۇسىندى.
