پورتال مالىمەتىنشە, پاكىستاندا ماۋسىم ايىنىڭ ورتاسىنان بەرى جالعاسىپ كەلە جاتقان سۋ تاسقىنىنان كەمىندە 1208 ادام قازا تاۋىپ, 6082 ادام زارداپ شەككەن.
بۇل تۋرالى بەيسەنبى كۇنى كەشكە جاريالانعان توتەنشە جاعدايلاردى باسقارۋ ۇلتتىق باسقارماسىنىڭ (NDMA) بايانداماسىندا ايتىلعان.
پاكىستاننىڭ دەنساۋلىق ساقتاۋ قىزمەتى ەڭ كوپ زارداپ شەككەن ايماقتاردا تەرى جانە ىشەك ينفەكتسيالارى تاراي باستاعانىن ەسكەرتەدى.
پاكىستانداعى تابيعي اپات 33 ميلليون ادامعا زاردابىن تيگىزىپ, 1 ميلليونعا جۋىق ءۇيدى قيراتقان.
بۇعان دەيىن پاكىستان پرەمەر-ءمينيسترى شاحباز شاريف ەلدە سوڭعى ونجىلدىقتا العاش رەت تولاسسىز نوسەر جاۋىن سالدارىنان بولعان الاپات سۋ تاسقىنى بولىپ جاتقانىن ايتقان ەدى. ونىڭ ايتۋىنشا, جاڭبىردان كەلگەن مۇنداي وراسان شىعىن سوڭعى 30 جىلدا بولىپ كورمەگەن.
