جاڭا مەكتەپكە قازاقتىڭ كورنەكتى اعارتۋشىسى ىبىراي ءالتىنساريننىڭ ەسىمى بەرىلدى. اشىلۋ سالتاناتىنا نۇر-سۇلتان قالاسى اكىمىنىڭ ورىنباسارى ەسەت بايكەن, قالالىق ءبىلىم باسقارماسىنىڭ باسشىسى قاسىمحان سەنعازيەۆ جانە ء«بىلىم بولاشاعى» كوممەرتسيالىق ەمەس ۇيىمىنىڭ وكىلدەرى قاتىستى.
ەندى BINOM وقۋ ورىندارىنا ءبىلىم مەن عىلىمنىڭ دامۋىنا ۇلەس قوسقان ۇلى تۇلعالاردىڭ ەسىمدەرىن الاتىن بولادى.
اتالعان مەكتەپ-ليتسەيدە وقىتۋ ەكى تىلدە جۇرگىزىلەدى, قابىلداۋ قر ءبىلىم مينيسترلىگىنىڭ ۇلگىلىك قاعيدالارى بويىنشا جۇزەگە اسىرىلادى. جوبالىق قۋاتتىلىعى – ەكى اۋىسىمدا 4 مىڭ وقۋشى ورنى.
زاماناۋي سىن-قاتەرلەردى ەسكەرە وتىرىپ, مەكتەپتىڭ ماتەريالدىق-تەحنيكالىق بازاسى وقۋشىلاردىڭ فۋنكتسيونالدىق ساۋاتتىلىعىن دامىتۋعا مۇمكىندىك بەرەدى.
ايتا كەتەيىك, ءبىلىم بەرۋ سالاسىنداعى ءمجا پيلوتتىق جوبالارى ەلوردادا وتكەن جىلدان باستاپ جۇزەگە اسىرىلۋدا. ينۆەستورلار اكىمدىكپەن بىرلەسىپ سالعان وقۋ ورىندارى قالا تۇرعىندارى اراسىندا بەلسەندى سۇرانىسقا يە.
BINOM مەكتەپتەرى جەلىسىنىڭ ءبىلىم بەرۋ پروتسەستەرىن باسقارۋدى ء«بىلىم بولاشاعى» كوممەرتسيالىق ەمەس ۇيىمى جۇزەگە اسىرادى, ونىڭ باستى ماقساتى – قازاقستان بالالارىنا قولجەتىمدى جانە ساپالى ءبىلىم الۋعا تەڭ مۇمكىندىكتەر بەرۋ.
نۇر-سۇلتاندا 3 جىل ىشىندە 34 مەكتەپ سالىندى. وقۋ ورىندارىنىڭ قۇرىلىسى قالانىڭ بارلىق اۋدانىندا ءجۇرىپ جاتىر. ەلوردادا 2022 جىلى تاعى 11 مەكتەپ سالىنادى, وسىلايشا 20 مىڭنان استام وقۋ ورنى اشىلادى.
سونىمەن قاتار, ەلوردادا مەكتەپ سالۋ ءۇشىن 72 جەر ۋچاسكەسى بەلگىلەندى. جالپى الاڭى 120 مىڭ وقۋشى ورنىنا (ەكى اۋىسىمدا 240 مىڭ وقۋشى ورنى) ارنالعان وقۋ ورىندارىن سالۋعا مۇمكىندىك بەرەدى.
بۇل جەر ۋچاسكەلەرى الەۋمەتتىك نىساندارعا قاجەتتىلىكتى ەسكەرە وتىرىپ, قالانىڭ بارلىق اۋدانىندا ورنالاسقان. ەگجەي-تەگجەيلى جوسپارلاۋ جوسپارىنا (ەگجەي-تەگجەيلى جوسپارلاۋ جوباسىنا) ءاربىر اۋداندا (شاعىن اۋدانداردا) وقۋ ورىندارى بولۋى ءۇشىن ارنايى باعىت بەكىتىلدى.
