ءبىلىم • 19 تامىز، 2022

مەكتەپ ديرەكتورلارىنىڭ جالاقىسى ءوسۋى مۇمكىن

62 رەت كورسەتىلدى

وقۋ-اعارتۋ ءمينيسترى اسحات ايماعامبەتوۆ پەداگوگتەردىڭ رەسپۋبليكالىق تامىز كونفەرەنتسياسىندا مەكتەپ پەن كوللەدجدەردە ديرەكتورلاردىڭ تاپشىلىعى بايقالىپ وتىرعانىن ايتتى، دەپ حابارلايدى Egemen.kz.

«مەكتەپ پەن كوللەدجدەردە، بالاباقشالاردا بىلىكتى ديرەكتورلاردىڭ تاپشىلىعى بايقالىپ وتىر. قازىرگى كەزدە ءبىراز ورىن بوس تۇر. ارينە، مۇعالىمنىڭ ەڭبەگى مەن بىلىكتىلىگى وتە ماڭىزدى. بىراق بارلىق ماسەلەنى شەشكەنىمەن، بىلىكتى ءارى ءبىلىمدى ديرەكتور بولماسا، وندا باسقا جاسالىپ جاتقان جۇمىستار ءتيىستى ناتيجەسىن بەرمەيدى. ديرەكتورلاردىڭ جالاقىسى مۇعالىمدەرمەن سالىستىرعاندا از ەكەنى بەلگىلى»، دەدى اسحات ايماعامبەتوۆ.

وسى ورايدا مينيستر ديرەكتورلارعا ۇلكەن جاۋاپكەرشىلىك جۇكتەلەتىنىن ەسكە سالدى.

«ولارعا ءتۇرلى ايىپپۇلدار سالىپ كەتەدى. اتا-انالارمەن جانە مۇعالىمدەرمەن جۇمىس ىستەۋ كەرەك. الايدا ديرەكتورلاردىڭ الاتىن جالاقىسى وتە تومەن. سوندىقتان وسى باعىتتا جاڭا وقۋ جىلىندا بۇل ماسەلەنى شەشۋ تۇرعىسىندا ءتيىستى جۇمىستاردى اتقارامىز. قازىر 400-دەن استام ديرەكتور جاڭا وقۋ ورىندارىنا بارىپ، جۇمىسىن جالعاستىرىپ جاتىر. وسى ارىپتەستەرىمىزگە ۇلكەن العىسىمدى ايتقىم كەلەدى»، دەدى ۆەدومستۆو باسشىسى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار