كەزدەسۋ بارىسىندا ەكىجاقتى كەلىسىمدەر بىرنەشە جىلدان بەرى قوس تاراپقا دا تابىستى بولعانى جانە بۇعان ەكى ەل باسشىلارىنىڭ قوسقان ۇلەسى زور ەكەنى ايتىلدى. تاراپتار الداعى ۋاقىتتا وسى بايلانىستى دامىتۋعا مۇددەلى ەكەندەرىن ءبىلدىردى. س. شاپكەنوۆ پەن ش. يسمايلوۆ اۋىل شارۋاشىلىعى جانە جەڭىل ونەركاسىپ سالالارىندا ىنتىماقتاستىقتى كەڭەيتۋ جايىن تالقىلادى.
- بۇگىندە قوس مەملەكەت - قارىم-قاتىناستى جان-جاقتى دامىتقان, ساۋدا-ەكونوميكالىق بايلانىستى مىقتاي تۇسكەن باۋىرلاس ەلدەر. قازىرگى ۋاقىتتا اتىراۋ وبلىسىندا اۋىل شارۋاشىلىعى سالاسىنداعى جوبالاردى جۇزەگە اسىرۋعا مۇمكىندىك مول. وسى باعىتتا بىرلەسە جۇمىس ىستەسەك, تاۋار اينالىمىن ارتتىرۋعا مۇمكىندىك تۋادى, - دەدى سەرىك شاپكەنوۆ.
قوس تاراپ الەۋمەتتىك ماڭىزى بار ازىق-ت ۇلىك تاۋارلارىن ساتىپ الۋ جانە جەتكىزۋ جايىن دا تالقىلادى.
اتىراۋ وبلىسىندا وزبەك كاپيتالىنىڭ قاتىسۋىمەن كوتەرمە جانە بولشەك ساۋدا, قىزمەت كورسەتۋ, سونداي-اق قۇرىلىس سالاسىندا 91 كاسىپورىن تىركەلگەنىن ايتا كەتۋ كەرەك.
