قوعام • 12 تامىز، 2022

شقو-دا قاڭعىعان يت-مىسىقتاردى اۋلاۋعا 150 ملن تەڭگە ءبولىندى

23 رەت كورسەتىلدى

شىعىس قازاقستان وبلىسىنداعى اۋدانداردا يەسىز جانۋارلار پانالايتىن ورىندار اشىلادى، دەپ حابارلايدى Egemen.kz.

2022 جىلى وڭىردە قاڭعىعان يت-مىسىقتاردى اۋلاۋعا 150 ملن تەڭگە ءبولىندى. بۇل تۋرالى شقو وڭىرلىك كوممۋنيكاتسيالار قىزمەتىندە وتكەن ءباسپاسوز ءماسليحاتى بارىسىندا وبلىستىق اۋىل شارۋاشىلىعى باسقارماسىنىڭ ەپيزووتياعا قارسى ءىس-شارالار ءبولىمىنىڭ باسشىسى مەليس قاينۋلداەۆ ايتتى.

«1 ناۋرىزدان باستاپ ءۇي جانۋارلارىن ولتىرۋگە تىيىم سالاتىن جانە ولاردى ۋاقىتشا ۇستاۋ، ۆاكتسيناتسيالاۋ، زارارسىزداندىرۋ جانە تابيعي ورتاسىنا جىبەرۋگە قاتىستى «جانۋارلارعا جاۋاپكەرشىلىكپەن قاراۋ تۋرالى» جاڭا زاڭ كۇشىنە ەندى. بۇگىندە شىعىس قازاقستان اۋماعىندا جانۋارلاردى اۋلاۋ جانە ۋاقىتشا ۇستاۋ ەرەجەلەرى ازىرلەندى. ەندى ول وبلىستىق ماسليحاتقا ۇسىنىلادى»، دەدى ول.

جاڭا زاڭدى جۇزەگە اسىرۋ ماقساتىندا يەسىز جانۋارلاردى ۋاقىتشا ۇستاۋعا ارنالعان تورلار ورناتىلىپ، اۋدانداردا ۋاقىتشا ۇستاۋ پۋنكتتەرىن قۇرۋ جۇمىستارى جۇرگىزىلۋدە. مۇنداي پۋنكتتەر تارباعاتاي اۋدانى مەن ريددەر قالاسىندا قازىردىڭ وزىندە بار.

«قازىرگى ۋاقىتتا بارلىق اۋدان، قالا اكىمدىكتەرىنە جانۋارلاردى ۋاقىتشا ۇستاۋعا ارنالعان پۋنكتتەردىڭ جوبالىق-سمەتالىق قۇجاتتارىن ازىرلەۋ تاپسىرىلدى. سونداي-اق وسى ماقساتقا قوسىمشا قاراجات ءبولۋ ماسەلەلەرى قاراستىرىلۋدا. ەرەجەگە سايكەس، بارلىق ءۇي جانۋارلارىن تىركەۋ 2023 جىلدىڭ 1 قىركۇيەگىنەن باستاپ ۇيىمداستىرىلادى»، دەدى مەليس قاينۇلداەۆ.

ونىڭ ايتۋىنشا، جىل باسىنان بەرى وبلىستا 16 380 يت پەن 1017 مىسىق اۋلانعان.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار