قوعام • 11 تامىز، 2022

اقتوبەدە 5 ايلىق بالاسىن كوشەدە ۇمىتىپ كەتكەن انا انىقتالدى

28 رەت كورسەتىلدى

اقتوبە قالاسىنداعى كوشەدەگى ورىندىقتا بەس ايلىق بالا جالعىز ءوزى جاتقان. كەيىنىرەك اناسى ءسابيىن ۇمىتىپ كەتكەنى انىقتالدى، دەپ حابارلايدى Egemen.kz.

بۇگىن تۇنگى ساعات 1:00 شاماسىندا اقتوبە قالاسىنداعى №3 پوليتسيا ءبولىمىنىڭ كەزەكشى بولىمىنە جەرگىلىكتى تۇرعىن حابارلاسىپ، بەس ايلىق بالانى كوتەرىپ اكەلدى. وبلىستىق پد ءباسپاسوز قىزمەتىنىڭ حابارلاۋىنشا، تۇرعىن ءسابيدى قالاداعى 8-ناۋرىز كوشەسىندە ورنالاسقان كوپقاباتتى ۇيلەردىڭ ءبىرىنىڭ اۋلاسىنان تاۋىپ العان. بالا ورىندىقتا جىلاپ جاتقان.

«قالالىق يۋۆەنالدى پوليتسيا توبىنىڭ باستىعى بوتاكوز جالەكەشوۆانىڭ ايتۋىنشا، ەكى تانىس كەلىنشەك ءبىر-ءبىرىن كوشەدە كورىپ قالعان. از كەم اڭگىمەدەن سوڭ ايەلدىڭ ماس كۇيىندە جۇرگەنىن سەزگەن اقتوبەلىك كەلىنشەك قوشتاسقان كەزدە قايتا بۇرىلىپ، ارتىنا قارايدى. سول كەزدە ورىندىقتاعى سومكەنىڭ جانىندا جىلاپ جاتقان بالانى دا كورەدى. ول بالانى الىپ، پوليتسياعا تاپسىرعان»، دەلىنگەن وبلىستىق پد ءباسپاسوز قىزمەتى تاراتقان حابارلامادا.

قازىر بالا ء«ۇمىت» بالالار ۇيىندە. بالانى اناسىنا قايتا بەرۋ، بەرمەۋ ماسەلەسىن قالا اكىمدىگى جانىنداعى كامەلەتكە تولماعانداردىڭ قۇقىعىن قورعاۋ جونىندەگى كوميسسيا شەشەدى.

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار