تاعايىنداۋ • 03 تامىز، 2022

قىزىلوردا وبلىسى پوليتسيا دەپارتامەنتىنىڭ باسشىسى تاعايىندالدى

268 رەت كورسەتىلدى

ىشكى ىستەر ورگاندارىندا ورىن العان كادرلىق وزگەرىسكە بايلانىستى قىزىلوردا وبلىسىنىڭ اكتيۆى ءوتتى، دەپ حابارلايدى Egemen.kz.

جيىنعا ارنايى كەلگەن ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ قىزىلوردا وبلىسى پوليتسيا دەپارتامەنتىنىڭ باستىعى بولىپ تاعايىندالعان مۇحتار قوجاباەۆتى تانىستىردى.

مۇحتار قوجاباەۆ 1968 جىلى 17 تامىزدا دۇنيەگە كەلگەن. ءبىلىمى جوعارى.

ەڭبەك جولىن 1987-1989 جىلدارى قارۋلى كۇشتەر قاتارىندا قىزمەت اتقاردى.

1992-1993 جىلدارى ءىىب ماي جول-پاترۋلدىك قىزمەتىنىڭ جەكە باتالونىنىڭ جول-پاترۋلدىك پوليتسياسىنىڭ ينسپەكتورى.

1993-1997 جىلدارى ءبوپ جپق اعا ينسپەكتورى، كەلەس اۋدانى ءىىب ماي بولىمشەسىنىڭ جانە سارىاعاش اۋدانى ءىىب مەملەكەتتىك اۆتوينسپەكتورى.

1997-1999 جىلدارى سارىاعاش اۋدانى ءىىب جول پوليتسياسى بولىمشەسىنىڭ باستىعى، پوليتسيا ءبولىمىنىڭ باستىعى.

1999-2004 جىلدارى ماقتاارال اۋدانى ءىى بەكىنشى پوليتسيا ءبولىمىنىڭ ءاپجن باستىعى.

2004-2006 جىلدارى ءىىم جول پوليتسياسى دەپارتامەنتى مەملەكەتتىك اۆتوموبيل ينسپەكتسياسى باسقارماسىنىڭ تىركەۋ-ەمتيحان جۇمىسىنىڭ باس مامانى.

2007-2008 جىلدارى وڭتۇستىك قازاقستان وبلىسى ءىىد باسقارما باستىعىنىڭ ورىنباسارى، پاترۋلدىك قىزمەت ءبولىمىنىڭ باستىعى، جول پوليتسياسى باسقارماسىنىڭ باستىعى.

2009 جىلعى ناۋرىزدان قاراشاعا دەيىن شىمكەنت قالاسىنىڭ ىشكى ىستەر باسقارماسى باستىعىنىڭ ورىنباسارى.

2009-2015 جىلدارى وڭتۇستىك قازاقستان وبلىسى ىشكى ىستەر دەپارتامەنتى تىلدىق قامتاماسىز ەتۋ باسقارماسىنىڭ باستىعى.

2015-2018 جىلدارى وڭتۇستىك قازاقستان وبلىسىنىڭ ىشكى ىستەر دەپارتامەنتى باستىعىنىڭ ورىنباسارى.

2018 جىلدىڭ شىلدە، قاراشا ايلارى – تۇركىستان وبلىسىنىڭ ىشكى ىستەر دەپارتامەنتى باستىعىنىڭ ورىنباسارى.

2018 جىلدىڭ قاراشا ايىنان تۇركىستان وبلىسى پوليتسيا دەپارتامەنتى باستىعىنىڭ ورىنباسارى قىزمەتىن ابىرويمەن اتقارعان.

سوڭعى جاڭالىقتار

دوللار باعامى قايتا ءوستى

قارجى • بۇگىن، 15:53

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

ۇقساس جاڭالىقتار