«جالپى كوروناۆيرۋس ينفەكتسياسىن جۇقتىرۋدىڭ كوبەيگەنىن, اسىرەسە, ەلوردا جانە قاراعاندى وبلىسىندا وسكەنىن كورىپ وتىرمىز. كۇن سايىن رەسپۋبليكا بويىنشا 3 مىڭعا دەيىن جاعداي تىركەلەدى. بۇل – جوعارى كورسەتكىش. سوندىقتان كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا شەكتەۋ شارالارىن كۇشەيتتى, ولار وڭىرلەرمەن جانە «اتامەكەن» پالاتاسىمەن الدىن الا كەلىسىلدى», دەدى ءا. سمايىلوۆ.
وسى ورايدا ۇكىمەت باسشىسى دەنساۋلىق ساقتاۋ مينيسترلىگىنە ەپيدەميولوگيالىق جاعدايدى تۇراقتى باقىلاۋدى تاپسىردى.
«شەكتەۋ شارالارىنىڭ ساقتالۋىن قامتاماسىز ەتۋ كەرەك. ماسكا تاعۋ, الەۋمەتتىك قاشىقتىقتى ساقتاۋ سياقتى الدىن الۋدىڭ نەگىزگى شارالارى قاتاڭ ساقتالۋى ماڭىزدى. ۆاكتسيناتسيالاۋ مەن رەۆاكتسيناتسيالاۋدىڭ تومەن قارقىنى ەپيدەميولوگيالىق جاعدايدىڭ كۇرت ناشارلاپ كەتۋىنە الىپ كەلەدى. اكىمدىكتەرگە حالىقتى ۆاكتسيناتسيالاۋ جانە رەۆاكتسيناتسيالاۋ جۇمىستارىن جانداندىرۋدى تاپسىرامىن. بارلىق پروبلەمالىق ماسەلەلەردى ۆەدومستۆوارالىق كوميسسيا وتىرىستارىندا جەدەل قاراپ, ءتيىستى شارالار قابىلداۋ قاجەت», دەدى ءاليحان سمايلوۆ.
