«قازىرگى ۆيرۋستىڭ ەرەكشىلىگىن, دەنساۋلىق ساقتاۋ جۇيەسىنىڭ جۇكتەمەسىن, اۋرۋدىڭ تارالۋىن ەسكەرە وتىرىپ, مينيسترلىك ساراپشىلارمەن بىرگە ەپيدەميلوگيالىق جاعدايدىڭ بولجامىن جاسادى. وعان سايكەس, تامىز ايىندا كوروناۆيرۋس ينفەكتسياسىنىڭ ورتاشا تاۋلىكتىك كورسەتكىشى 4 مىڭ جاعدايعا دەيىن وسەدى. ال قىركۇيەك ايىندا تومەندەيدى دەپ بولجاپ وتىرمىز», دەدى ا. عينيات.
ونىڭ ايتۋىنشا, قازىرگى كەزدە قازاقستاندا حالىقتى ۆاكتسينالاۋ ءارى رەۆاكتسينالاۋ ءۇشىن ەكپەنىڭ ءۇش ءتۇرى بار. ياعني QazVac, Sinopharm, Pfizer ۆاكتسينالارى ۇسىنىلىپ وتىر.
«جالپى 1 ملن 350 مىڭنان استام دوزاسى بار. جىلدىڭ اياعىنا دەيىن ۇزدىكسىز يممۋنوپروفيلاكتيكانى قامتاماسىز ەتۋ ءۇشىن بيىلدىڭ سوڭىنا دەيىن 500 مىڭداي QazVac ۆاكتسيناتسياسىن الۋ جانە بالالار مەن جۇكتى ايەلدەرگە Pfizer ۆاكتسيناتسياسىنىڭ 300 مىڭ دوزاسىن الۋ جوسپارلانىپ وتىر», دەدى مينيستر.
