بۇل قازاقستاندىق تەننيسشىنىڭ ۋيمبلدون چەمپيونى اتانعاننان كەيىنگى العاشقى ماتچى بولاتىن. ونىڭ قارسىلاسى, الەمنىڭ 12-ءىنشى, وسى جارىستىڭ 7-ءىنشى راكەتكاسى, رەسەيلىك داريا كاساتكينا دا وسال ەمەس.
وسىعان دەيىن ءوزارا ەكى مارتە كەزدەسىپ, ءبىر-بىردەن جەڭىسكە جەتكەن ەدى. ە.رىباكينا ماتچتى ءساتتى باستاپ, ەكى برەيكپەن ءبىرىنشى پارتيانى الدى – 6:1. الايدا ەكىنشى سەتتە د.كاساتكينا 5:1 ەسەبىمەن العا كەتتى.
بۇدان كەيىن ە.رىباكينا برەيك جاساعانىمەن, سول قارقىنىن ءارى قاراي جالعاستىرا المادى – 2:6. ءۇشىنشى, شەشۋشى پارتيادا د.كاساتكينا ەش مۇمكىندىك بەرمەدى – 6:0.
جۇلدە قورى 757 مىڭ اقش دوللارىنان اساتىن دودانىڭ ەكىنشى اينالىمىندا د.كاساتكينا امەريكالىق تەيلور تاۋنسەندپەن شەبەرلىك بايقاسادى.
