فوتو: politnavigator.net
بۇكىل الەم قاۋىمداستىعىن ءدۇر سىلكىندىرگەن ەلىمىزدەگى قاڭتار وقيعاسىنان كەيىن مەملەكەت باسشىسى قاسىم-جومارت توقاەۆ «ازاپتاۋ سياقتى ورتاعاسىرلىق قۇبىلىستاردى جويۋدىڭ» ماڭىزدىلىعىن اتاپ ءوتتى. پرەزيدەنت «قازىرگى تاڭدا قوعام تاراپىنان ەڭ كوپ تالاپ ەتىلەتىن تالاپتار – زاڭدى قاتاڭ ساقتاۋ» ەكەنىن اتاپ ءوتىپ, باس پروكۋراتۋراعا قاڭتار وقيعاسىنىڭ ناتيجەلەرىن جان-جاقتى تەكسەرۋ بويىنشا اۋقىمدى تاپسىرمالار جۇكتەدى. وسى تۇرعىدان العاندا, تەرگەۋ ارەكەتتەرىن جۇرگىزۋ كەزىندە زاڭنىڭ ۇستەمدىگى مەن ازاماتتاردىڭ قۇقىقتارىن ساقتاۋدى قامتاماسىز ەتۋ قاجەتتىلىگى ماڭىزدى بولىپ قالا بەرەدى. ماسەلەن, قازاقستان باس پروكۋراتۋراسىنىڭ رەسمي دەرەكتەرىنە سايكەس, 2022 جىلعى قاڭتارداعى وقيعاعا بايلانىستى پروكۋراتۋرا ورگاندارىنا ازاپتاۋ, قاتىگەزدىك كورسەتۋ جانە «زاڭسىز تەرگەۋ ادىستەرى» تۋرالى 301 ارىز كەلىپ تۇسكەن, ولار بويىنشا 243 قىلمىستىق ءىس قوزعالعان.
بىرقاتار تاۋەلسىز قۇقىق قورعاۋ ۇيىمىنىڭ مالىمەتى بويىنشا, قازىرگى ۋاقىتتا ازاپتاۋ نەمەسە باسقا دا قاتىگەزدىك تۇرلەرىنە قاتىستى ايىپتاۋلار بويىنشا تەك 9 شەنەۋنىكتىڭ ۇستالعانى بەلگىلى. ازاپتاۋدى قولداندى دەگەن كۇدىككە ىلىنگەن نەمەسە ايىپتالعان لاۋازىمدى تۇلعالارعا قاتىستى سوتقا دەيىنگى الدىن الۋ شارالارىن قولدانۋ تۋرالى مالىمەتتەر جوق. سەبەبى ازاپتاۋ نەمەسە قاتىگەزدىك قۇرباندارىنىڭ كوپشىلىگى تۇرمەدە بولعان كەزدە شاعىم بەرۋ مەحانيزمدەرىنە قول جەتىمدىلىگى شەكتەلگەن نەمەسە ءوز قۇقىقتارىن قورعاۋ مۇمكىندىگىن مۇلدەم بىلمەگەن. جابىرلەنۋشىلەر ارىز بەرە الاتىن جاعدايلاردا ولار سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلمەگەن.
ىسكە اسىرىلىپ جاتقان جوبانىڭ نەگىزگى ماقساتتارىنىڭ ءبىرى – ءبىلىم بەرۋ باعدارلاماسىن ۇيىمداستىرۋ ارقىلى قازاقستان ازاماتتارىنا قۇقىق قورعاۋ ورگاندارىنىڭ ازاپتاۋ نەمەسە وزگە دە زاڭسىز ارەكەتتەرىمەن كۇرەسۋ.
باعدارلاما ەكى بولىمنەن تۇرادى: ءبىرىنشى ءبولىم پوليتسيا قىزمەتكەرلەرىنە باعىتتالعان, كەلەسى ءبولىمى ازاپتالعان ادامدارعا ارنالعان. وقۋ تسيفرلىق پلاتفورمادا ەلىمىزدىڭ جەتەكشى زاڭگەرلەرىنىڭ كومەگىنە تەگىن قول جەتكىزۋ تەتىگى ورنالاستىرىلادى. تسيفرلىق پلاتفورمادا «ازاپتاماۋ قۇقىعى» ءبىلىم بەرۋ كۋرسى ورنالاستىرىلاتىن ۆەب-سايت, ءموبيلدى قوسىمشا, چات-بوتتار, سونىمەن قاتار ازاماتتارعا ارنالعان «ونلاين-زاڭ كلينيكاسى» تەگىن زاڭگەرلىك كەڭەس قىزمەتتەرى مەن شۇعىل پسيحولوگيالىق كومەك كورسەتۋ قۇرالدارىنا قول جەتكىزە الادى.
