اتاپ ايتقاندا, اناليتيكالىق قۇرالداردى كەڭىنەن قولدانۋ ارقىلى «جازالاۋشى» پوستفاكتورلىق ادىستەن پروفيلاكتيكالىق ادىسكە كوشۋ جۇزەگە اسىرىلدى. سونىمەن قاتار قولدانىستاعى زاڭناماعا قارجى پيراميدالارىن جارنامالاعانى ءۇشىن قىلمىستىق جاۋاپكەرشىلىك ەنگىزىلدى. قارجى پيراميدالارىنىڭ قىزمەتىن جارنامالايتىن سايتتاردى بۇعاتتاۋدىڭ تەتىگى دە ازىرلەندى.
«قابىلدانعان شارالاردىڭ ارقاسىندا 3 مىڭنان استام سايت بۇعاتتاۋعا جىبەرىلدى. بيىل بارلىعى 28 قارجى پيراميداسىن ۇيىمداستىرۋشىلارعا قاتىستى قىلمىستىق كودەكستىڭ 217-بابى بويىنشا 33 قىلمىستىق ءىس تىركەلگەن», دەپ جازدى ۆەدومستۆودان.
سوتتا 7 قىلمىستىق ءىستى قارالىپ, 11 ادام سوتتالدى, ونىڭ ىشىندە 1-ەۋى ۋكراينا ازاماتى.
«بارلىق تۇلعالارعا ناقتى مەرزىمگە – 3 جىلدان 6 جىل 8 ايعا دەيىن باس بوستاندىعىنان ايىرۋ جازاسى تاعايىندالدى. بۇل رەتتە 7 ادام 5 جىلعا باس بوستاندىعىنان ايىرىلدى. قما ازاماتتاردى اسا ساق بولۋعا جانە ولاردى قارجىلىق پيراميدالارعا تارتاتىن الاياقتاردىڭ ايلا-امالىنا تۇسپەۋگە شاقىرادى», دەلىنگەن حابارلامادا.
