ايتا كەتەيىك, ۇلتتىق قۇراما بەسىنشى توپقا ءتۇستى. قارسىلاستارى - سلوۆەنيا جانە چەرنوگوريا.
قازاقستاندىق فۋتزالشىلار العاشقى ويىنىن ءوز الاڭىندا بيىلعى جىلدىڭ 8 قازانىندا سلوۆەنياعا قارسى وتكىزەدى. ودان كەيىن 12 قازاندا سىرت الاڭدا چەرنوگوريامەن شەبەرلىك بايقاسادى. ال چەرنوگوريامەن ءوز الاڭىنداعى ويىنى 9 قاراشاعا بەلگىلەنسە, سلوۆەنيامەن تاعى ءبىر كەزدەسۋ 2023 جىلدىڭ 8 ناۋرىزىندا بولادى.
ەسكە سالا كەتەيىك, نەگىزگى ىرىكتەۋ كەزەڭى 12 توپتان تۇرادى. ءار توپتىڭ جەڭىمپازدارى مەن ەكىنشى ورىن العان ءتورت ۇزدىك كوماندا تىكەلەي ەليتالىق كەزەڭگە شىعادى. ەكىنشى ورىن يەلەنگەن قالعان سەگىز كوماندا وتپەلى ويىندار ارقىلى تاعى ءتورت جولدامانى ساراپقا سالادى.
فۋتزالدان قازاقستان قۇراماسى الەم چەمپيوناتى ەليتالىق ساتىسىندا 2000, 2016, 2021 جىلداردا سىنعا ءتۇستى. ولار 2021 جىلى ءتورتىنشى ورىنعا تابان تىرەدى.
