«قازىرگى زامانعى كليماتتىق سىن-قاتەرلەر, سۋ جانە ەنەرگەتيكالىق رەسۋرستارعا ءوسىپ كەلە جاتقان سۇرانىس ارال تەڭىزى باسسەينىنىڭ سۋ رەسۋرستارىن ۇتىمدى پايدالانۋدى قامتاماسىز ەتۋ ءۇشىن باتىل شارالار قابىلداۋدى تالاپ ەتەدى», دەدى قاسىم-جومارت كەمەل ۇلى بايانداما بارىسىندا.
پرەزيدەنتتىڭ ايتۋىنشا, كليماتتىڭ وزگەرۋ پروتسەستەرى مۇزدىقتاردىڭ ازايۋىنا اكەلىپ سوعادى.
«كليماتتىڭ وزگەرۋى جونىندەگى حالىقارالىق ساراپشىلار توبىنىڭ بايانداماسىنا سايكەس, ءبىزدىڭ ايماقتاعى تەمپەراتۋرا پلانەتاداعى ورتاشا تەمپەراتۋرادان الدەقايدا تەز وسۋدە. كليماتتىڭ وزگەرۋ پروتسەستەرى ءبىزدىڭ ايماق ءۇشىن نەگىزگى سۋ كوزى – مۇزدىقتاردىڭ ازايۋىنا اكەلەدى. ولاردىڭ ورتالىق ازياداعى كولەمى سوڭعى 50 جىلدا 20-30%-عا قىسقاردى, بۇل پەرسپەكتيۆادا سىرداريا مەن ءامۋداريا وزەندەرىنىڭ اعىنىن بىرنەشە ەسە ازايتادى. مۇنىڭ ءبارى شۇعىل بىرلەسكەن شارالار قابىلداۋدى تالاپ ەتە وتىرىپ, ءوڭىردىڭ ازىق-ت ۇلىك, ەنەرگەتيكالىق جانە ەكولوگيالىق قاۋىپسىزدىگى ءۇشىن ەلەۋلى تاۋەكەلدەرگە اكەپ سوعادى», دەدى مەملەكەت باسشىسى.
