«كولىكتىك بايلانىستى ارتتىرىپ, ترانزيت شارتتارىن دايەكتى تۇردە جاقسارتۋ قاجەت. كارتاعا ءبىر قاراعان ساتتەن-اق ورتالىق ازيانىڭ بىرەگەي گەوگرافيالىق اۋماقتا ورنالاسقانىن كورۋگە بولادى. جاڭا گەوساياسي جاعدايلاردا ءبىزدىڭ ءوڭىردىڭ ترانسكونتينەنتالدىق ساۋدانى ىلگەرىلەتۋدەگى جانە دامىتۋداعى ءرولى قارقىندى وسۋدە. قازاقستان ترانسكاسپي حالىقارالىق كولىك باعدارىن بەلسەندى دامىتىپ جاتىر», دەدى توقاەۆ.
پرەزيدەنتتىڭ ايتۋىنشا, 2017 جىلدان باستاپ وسى ءدالىزدىڭ باعىتتارى بويىنشا كونتەينەرلەردى تاسىمالداۋ 3 ەسەگە جۋىق وسكەن.
«قازاقستان «مازاري-شاريف – كابۋل – پەشاۆار» تەمىر جولىنىڭ قۇرىلىسىنا قاتىسۋعا دايىن. اتاپ ايتقاندا, ءبىز تەمىر جولداردىڭ جوعارعى قۇرىلىس ماتەريالدارىنىڭ ۇزدىكسىز جەتكىزىلۋىن قامتاماسىز ەتىپ, جىلجىمالى قۇرامدى ۇسىنا الامىز», دەدى مەملەكەت باسشىسى.
