«ەلوردادا جالعاسىپ جاتقان SARS-CoV-2 ۆيرۋسىنىڭ «وميكرون» شتامىنىڭ اينالىمىنا بايلانىستى قالاداعى ەپيدەميولوگيالىق احۋال ناشارلاپ, كۇردەلى كۇيدە قالىپ وتىر. ەگەر 22 ماۋسىم مەن 5 شىلدە ارالىعىنداعى ەكى اپتا ىشىندە 414 جاعداي تىركەلسە, 6 شىلدە مەن 19 شىلدە ارالىعىنداعى ەكى اپتانىڭ ىشىندە كوروناۆيرۋس ينفەكتسياسىمەن ناۋقاستانۋدىڭ 3970 جاعدايى تىركەلدى», دەدى دەپارتامەنت باسشىسى.
ونىڭ ايتۋىنشا, كەيىنگى ەكى اپتادا قالاداعى سىرقاتتانۋ دەڭگەيى 9,5 ەسە ارتقان.
«تاۋلىگىنە جاڭا جاعدايلاردىڭ سانىن تىركەۋ 586 جاعدايعا جەتتى. ەپيدەميولوگيالىق جاعدايدى باعالاۋدىڭ جاڭا ماتريتساسى بويىنشا, ەلوردامىز «سارى» ايماققا جاقىنداپ كەلەدى», دەدى سارحات بەيسەنوۆا.
