شقو توتەنشە جاعدايلار دەپارتامەنتى حابارلاعانداي, وقيعا 17 شىلدەدە ساعات 19:00 شاماسىندا ۇلان اۋدانىنداعى بۇقتىرما سۋ قويماسىنىڭ بويىنداعى «ايۋدا» دەمالىس بازاسىنان ءۇش شاقىرىم جەردە ورىن العان.
وڭىردەگى قاتتى جەلدىڭ سالدارىنان جولاۋشىلاردى تاسىمالداۋعا ارنالعان كەمە سۋعا باتا باستاعان. كەمە «سادكو» دەمالىس بازاسىنان «ايۋدا» بازاسىنا قاراي بەت الىپ كەلە جاتقان.
«كەمە بورتىندا 24 ادام, ونىڭ ىشىندە 21 جولاۋشى مەن 3 ەكيپاج مۇشەسى بولعان. جەل جىلدامدىعى سەكۋندىنا 20 مەترگە دەيىن جەتتى», دەلىنگەن حابارلامادا.
قۇتقارۋشىلاردىڭ جەدەل ارەكەتىنىڭ ارقاسىندا 21 جولاۋشى, ونىڭ ىشىندە 9 بالا امان-ەسەن «ايۋدا» بازاسىنا جەتكىزىلگەن.
وقيعادان زارداپ شەككەن ادام جوق.
