كىتاپحاناشىلار اتالعان ساياباقتاعى ورىندىقتارعا كوركەم ادەبيەت تۋىندىلارى مەن بالالارعا ارنالعان ەرتەگى كىتاپتارىن قويدى. ماقسات – سەرۋەندەۋشىلەردىڭ نازارىن كىتاپ وقۋعا اۋدارۋ.
ساياباقتا كىتاپ وقۋعا تالپىنعان وقىرمان قاتارى كوپ بولدى. وقىرماندار ءۇشىن قازاق پوەزياسىنىڭ كورنەكتى وكىلى, قازاقستاننىڭ ەڭبەك ەرى مۇحتار شاحانوۆتىڭ 80 جىلدىعىنا وراي جىلجىمالى كىتاپ كورمەسى ۇيىمداستىرىلدى. اقىننىڭ ءومىرى مەن شىعارماشىلىعىنا قاتىستى ۆيكتورينالىق سۇراقتار قويىلدى. وقىرماندارعا قازاق جانە ورىس تىلىندەگى موتيۆاتسيالىق, پسيحولوگيالىق, كوركەم شىعارمالار ۇسىنىلدى. كىتاپحاناشىلار مەن تۇرعىنداردىڭ كەيبىرى گيتارامەن ءان ايتىپ, ءتۇرلى مۋزىكالىق اۋەندى ورىندادى.
– ماعان ءتۇرلى-ءتۇستى كىتاپتار ۇنايدى. ءبىزدىڭ ۇيدە اجەم جيناعان ەرتەگىلەر توپتاماسى بار. بىراق سول كىتاپتار كوركەم بەزەندىرىلمەگەن. جاعالاۋدان سول ەرتەگىلەردىڭ جاڭا فورماتپەن شىعارىلعانىن كوردىم. ەندى بالالار كىتاپحاناسىنا كىتاپ وقۋعا بارامىن. كىتاپحانانىڭ تۇراقتى وقىرمانى بولامىن, – دەيدى 10 جاسار مارينا.
جاستار ساياباعىنداعى ءىس-شارادا بەلسەندى وقىرماندارعا ارنايى سىيلىقتار بەرىلدى.
اتىراۋ وبلىسى
