پروفتەكسەرىستەر ءتىزىمى كەڭەيتىلدى

ماماندار اۋىل حالقىنا مەديتسينالىق قىزمەتتەردىڭ قول­جەتىمدىلىگىن جاقسارتۋ ماق­ساتىندا زەرتتەۋ تۇرلەرى مەن نىسانالى توپتاردى كەڭەيتۋگە قاتىستى. بۇل قالالىق جانە اۋىلدىق حالىق اراسىندا مەديتسينالىق قىزمەتتەردىڭ قولجەتىمدىلىگى بولىگىندە ورىن الىپ وتىرعان ديسبالانستى كەزەڭ-كەزەڭىمەن تەڭەستىرۋگە, ساقتاندىرىلماعان حالىقتى مەديتسينالىق كومەكپەن كوبىرەك قامتۋدى قامتاماسىز ەتۋگە, تۇتاستاي العاندا, اۋىل حالقى اراسىندا اۋرۋلاردىڭ الدىن الۋعا مۇمكىندىك بەرەدى.

وسىلايشا, اۋىل تۇرعىندارى­نان پروفيلاكتيكالىق تەكسەرۋدى جۇرگىزۋ ءۇشىن 18 جاستان 29 جاسقا دەيىنگى جاستاردى كەڭىنەن قامتۋ كوزدەلگەن. ايتا كەتەر جايت, بۇعان دەيىن تۇرعىندار 30 جاستان 70 جاسقا دەيىنگى سكرينينگتىك زەرتتەۋلەرمەن قامتىلماعان.

اۋىلدىق جەرلەردە پروفيلاك­تيكالىق تەكسەرۋلەر جۇرگىزۋ ءۇشىن 4 نىسانالى توپ جولعا قويىلدى: «جاستار» 18 جاستان 29 جاسقا دەيىن, «ەڭبەك – 1» 30 جاستان 44 جاسقا دەيىن, «ەڭبەك – 2» 45 جاس­تان 65 جاسقا دەيىن جانە «زەي­نەتكەر» 66 جاس جانە ودان جوعارى.

اۋىل تۇرعىندارىنان اسقازان-ىشەك جولى, ءزار شىعارۋ جۇيەسى, ەرەسەك جاستاعى توپتاعى تۋبەركۋلەز جانە قۋىقاستى بەزى وبىرىن ەرتە انىقتاۋ, الدىن الۋ قىزمەتتەرى كەڭەيتىلدى. 18 جاسقا دەيىنگى بالالاردى پروفيلاكتيكالىق قاراپ-تەك­سەرۋگە ۇيىمداستىرۋ ماق­ساتىندا وسى جىلى 1 جاس, 3, 6 جانە 14 جاس ارالىعىنداعى بالالارعا نازار اۋدارا وتىرىپ, زەرتحانالىق زەرتتەۋلەردىڭ قوسىمشا ادىستەرىن قوسىپ, پروفيلاكتيكالىق قاراپ-تەكسەرۋ پاكەتتەرىن ودان ءارى ۇلعايتۋ جوسپارلانۋدا.

سونىمەن قاتار دەنساۋلىق ساقتاۋ ورتالىقتارىنىڭ بازاسىندا جاسوسپىرىمدەر مەن جاس­تار اراسىندا, ونىڭ ىشىندە جىنىستىق جولمەن بەرىلەتىن اۋرۋلاردىڭ, مىنەز-ق ۇلىقتىق قاۋىپتى فاكتورلارىنىڭ, ەرتە جۇكتىلىكتىڭ, سۋيتسيدتەردىڭ, لۋدومانيانىڭ جانە پسيحيكالىق, رەپرودۋكتيۆتىك دەنساۋلىقتىڭ باسقا دا بۇزىلۋىنىڭ الدىن الۋ بويىنشا پروفيلاكتيكالىق جۇمىستار جۇرگىزىلەدى.