تۋريزم • 07 شىلدە، 2022

TravelKazakhstan رەسپۋبليكالىق كامپانياسى قورىتىندىلاندى

44 رەت كورسەتىلدى

زامانىنا ساي ساز كەرەك دەگەندەي، ءدال وسىنداي ادىسپەن ەل ءتۋريزمىن ناسيحاتتاۋ، ۇلان-بايتاق دالامىزدىڭ ءوز وتانداستارىمىز دا ءالى كورمەگەن سۇلۋلىعىن جارنامالاۋ ءبىرىنشى رەت قولعا الىنىپ وتىر دەسەك تە بولادى.

مادەنيەت جانە سپورت مينيسترلىگىنىڭ قولداۋىمەن Kazakh Tourism ۇلتتىق كومپانياسى قىسقا بەينەروليكتەردى قاراۋ مەن جاساۋعا ابدەن توسەلگەن TikTok پلاتفورماسىمەن بىرگە TravelKazakhstan رەسپۋبليكالىق كامپانياسىن قورىتىندىلادى.

كامپانيا بارىسىندا ايگىلى ادامدار مەن تانىمال كونتەنت اۆتورلارى كاسىبي گيدتەرمەن بىرگە قازاقستاننىڭ ءۇش وڭىرىنەن تىكەلەي ەفير جۇرگىزىپ، ءوز ەلىنىڭ تۋريستىك الەۋەتى تۋرالى اڭگىمەلەيتىن قىسقا بەينەروليكتەر جاسادى. وسىلايشا جوبا جەڭىمپازدارى، ياعني ەڭ كوركەم بەينەروليكتەردىڭ اۆتورلارى انىقتالىپ، باعالى سىيلىقتارعا يە بولىپ، Kazakh Tourism-ءنىڭ TikTok-تەگى اككاۋنتىنىڭ جۇرگىزۋشىلەرى قاتارىنا قوسىلدى.

ساياحات تاقىرىبى – قازىردىڭ وزىندە 87 ميللياردتان استام قارالىم جيناعان، TikTok قولدانۋشىلارى اراسىندا ەڭ سۇيىكتى تاقىرىپتاردىڭ ءبىرى #travel حەشتەگىمەن قىسقا بەينەباياندار ارقىلى تۋريست رەتىندەگى ءوز اسەرلەرىمەن، ۇسىنىستارىمەن ءبولىسۋ.

TikTok پەن «Kazakh Tourism» ۇك» اق-نىڭ بىرلەسكەن العاشقى باستاماسى ۇلان-بايتاق ەلىمىزدىڭ كوپشىلىككە تانىمال ەمەس سۇلۋ ولكەلەرىن تانىتۋدى كوزدەيدى، بەينەروليكتەر فورماتىندا پلاتفورمانىڭ ميلليونداعان اۋديتورياسىمەن بولىسۋگە شابىتتاندىردى.

جيىرما كۇن ىشىندە قازاقستاننىڭ تۇكپىر-تۇكپىرىنەن كەلگەن كونتەنت قولدانۋشىلارى قازاق ساياحاتى تۋرالى كەڭەستەرى بار كرەاتيۆتى جانە تانىمدىق روليكتەر جاساپ، جاريالادى. ۇلتتىق تاعامداردىڭ تاڭسىق مازىرلەرىمەن ءبولىسىپ، ەڭ ادەمى جەرلەردى كورسەتۋگە ۇمتىلدى. جانە يۋنەسكو تىزىمىنە ەنگەن ۇلتتىق تابيعي پاركتەر مەن دالا، تاريحي ورىندار، ساۋلەت جانە تابيعي ەسكەرتكىشتەر، قىزىقتى قالالىق ورىنداردى ناسيحاتتادى.

تولايىم العاندا پلاتفورما قولدانۋشىلارىنىڭ #TravelKazakhstan حەشتەگىمەن جاريالانعان 2800-دەي بەينەروليكتەر قارالىمى 11 ميلليوننان اسادى.

ء«بىز قازاقستاندىقتاردىڭ ءوز ەلىنىڭ كورىكتى جەرلەرى تۋرالى جاقسى ءبىلۋى، ونى ماقتان تۇتىپ،  بۇكىل الەمگە ايتۋ مۇمكىندىگىنە يە بولۋى ءۇشىن جۇمىس ىستەيمىز. قازاقستاندا تاۋلار، دالا، ورماندار، ماڭعىستاۋدىڭ عارىشتىق لاندشافتتارىنا دەيىن بار – مۇندا ءوز ءتىلى مەن ءداستۇرىن ساقتاعان جۇزدەن استام ۇلت وكىلدەرى تۇرادى. ءبىزدىڭ TikTok پلاتفورماسىمەن بىرلەسكەن جوبامىز ەلىمىزدىڭ تۋريستىك باعىتتارى تۋرالى پايدالانۋشى جاساعان كونتەنتتى ىنتالاندىرۋعا مۇمكىندىك بەردى. TikTok - بۇل بەلسەندى جانە كرەاتيۆتى ادامداردى تارتۋعا، سونىمەن قاتار تۋريزم مەن ساياحات تۋرالى كونتەنتتى تانىمال ەتۋگە ارنالعان تاماشا الاڭ. #TravelKazakhstan ناۋقانىنىڭ ناتيجەلەرى ءبىزدىڭ كۇتكەنىمىزدەن دە اسىپ ءتۇستى جانە ءبىز ىنتىماقتاستىقتى جالعاستىرۋعا نيەتتىمىز»، دەيدى «Kazakh Tourism» ۇك» اق باسقارما توراعاسى تالعات امانباەۆ.

«قازاقستان – تابيعات سۇلۋلىعىنا، مادەني مۇرا مەن دارىندى ادامدارعا باي ەل. وسى كامپانيانىڭ ارقاسىندا الەمدەگى تالاي ادامنىڭ قازاقستاندى ماڭىزدى جانە قىزىقتى تۋريستىك باعىت رەتىندە كورىپ، قازاقستاندىقتاردىڭ دا ءوز ەلىنە كوبىرەك ساياحاتتاۋعا جانە TikTok-تا ۇسىنىمدارىمەن بولىسۋگە شابىت الدى دەپ ۇمىتتەنەمىن. جوباعا پايدالانۋشىلاردىڭ كوپتەپ تارتىلۋى قازاقستانداعى ىشكى تۋريزم تاقىرىبىنا ۇلكەن قىزىعۋشىلىقتى بىلدىرەدى. ءبىز بۇل باعىتتى قولداۋدى جالعاستىرۋدى جوسپارلاپ وتىرمىز جانە TikTok-تا ترەۆەل-كونتەنتتىڭ جاڭا اۆتورلارىن كورۋگە قۋانىشتىمىز»، دەدى وسى بايقاۋعا سەرپىن بەرگەن TikTok كومپانياسىنىڭ اعا وپەراتسيالىق مەنەدجەرى نادەجدا لاپينا.

سونىمەن جوباعا قاتىسۋشىلار اراسىندا ەڭ كرەاتيۆتى بەينەروليكتەر جاساعان ءۇش جەڭىمپازدىڭ ەسىمى انىقتالىپ، جۇلدە رەتىندە اۆتورلار DJI Mini2 كۆادروكوپتەرلەرىن يەلەنىپ، العاشقى ەكى جۇلدەلى ورىن اۆتورلارى TikTok-تا Kazakh Tourism رەسمي اككاۋنتىنىڭ جەتەكشىسىنە اينالدى.

ءبىرىنشى ورىندى جەڭىپ العان اسەت مىرزاباەۆ جۇبايى مۇحابباتپەن بىرگە قازاقستانعا، سونداي-اق الەمنىڭ باسقا ەلدەرىنە ساياحات تۋرالى بەينەروليكتەر جاساپ، 450 مىڭنان استام جازىلۋشى جيناعان. #TravelKazakhstan اياسىندا اسەت التىباقاننىڭ نە ەكەنىن ايتىپ، ىلە-الاتاۋ ۇلتتىق پاركىندەگى زاماناۋي ۆيزيت-ورتالىقتى، قازاقستاندىق شۆەيتساريانى كورسەتتى، قايىڭدى كولىنىڭ تۇرلەرىمەن قۇس ۇشاتىن بيىكتىكتەن ءبولىستى.

ەكىنشى ورىندى يەلەنگەن ايگەرىم تەلباسى نەبارى 21 جاستا بولسا دا، ءوزىن ترەۆەل-ينفليۋەنسەر رەتىندە تاماشا قىرىنان تانىتىپ، ەلىمىزدىڭ ەڭ ادەمى تۋريستىك ورىندارىنىڭ ءبىرى – بوزجىرا شاتقالى، قايىڭدى كولى تۋرالى ءتۇرلى-ءتۇستى بەينەلەر ءتۇسىرىپ ۇلگەردى. ول سونداي-اق ەجەلگى تۇركىستان تۋرالى شاعىن فيلم جاساپ، الماتى ماڭىنداعى اسسى ۇستىرتىنە قالاي جەتۋگە بولاتىنىن ەگجەي-تەگجەيلى ايتىپ، كاسپي تەڭىزىندەگى كۇننىڭ باتۋىن كورسەتتى.

ءۇشىنشى ورىنعا لايىقتى دەپ تانىلعان ازامات جاقيانوۆ بەينەروليكتەرىندە تۋعان ولكەسىنىڭ تاريحىن باياندايتىن گيد رەتىندە كورىنىپ، ۇلتتىڭ رۋحاني استاناسى – ۇلىتاۋدى ارالاپ، دالا سۇلۋلىعى مەن جوشى حان كەسەنەسىن جارنامالايدى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار