قالانىڭ 24 جىلدىعىنا وراي كونتسەرتتەر مەن ءتۇرلى سپورتتىق فەستيۆالدەر وتكىزىلەدى.
استانا كۇنىندە قالادا بىرقاتار الەۋمەتتىك نىسانداردىڭ (كەزەكتە تۇرعاندارعا پاتەر كىلتتەرىن تاپسىرۋ), زاۋىتتىڭ, سكۆەرلەردىڭ, قوعامدىق كەڭىستىكتەردىڭ, 80-نەن استام اۋلا اۋماقتارىنىڭ اشىلۋى وتەدى.
سونداي-اق وسى كۇنگە وراي قالانىڭ بىرقاتار ۆەدومستۆولىق باعىنىستى ۇيىمدارى كونتسەرتتەر, سپورتتىق تۋرنيرلەر, كورمەلەر ۇيىمداستىرادى.
1-6 شىلدە ارالىعىندا «اتامەكەن» ەتنو-مەموريالدىق كەشەنىندە «ەلوردا پەيزاجدارى» اتتى ارت-كورمە جۇمىس ىستەيدى.
1-8 شىلدە ارالىعىندا – «ەل تىرەگى – ەلوردا» كورمەسى وتەدى.
بۇگىن, 5 شىلدە كۇنى «الەم كارتاسىنداعى جاڭا ەلوردا» اشىق ەسىك كۇنى وتەدى.
4-6 شىلدە ارالىعىندا ورتالىق ساياباقتا «Mereke Street» قالالىق مادەنيەت فەستيۆالى وتەدى.
5 شىلدە كۇنى ساعات 19:00-دە فيلارمونيانىڭ كونتسەرت زالىندا ء«ازىل الەمى» ءازىل كەشى ۇيىمداستىرىلادى.
سونداي-اق بۇگىن «استانا وپەرا» وپەرا جانە بالەت تەاترى «شوپەنيانا» جانە «شەحرەزادا» كۇمىس ءداۋىرىنىڭ بالەتتەرىن ۇسىنادى.
5 جانە 6 شىلدەدە «كوليزەي» سپورت كەڭىستىگىندە «وتان انا» مونۋمەنتىنىڭ جانىندا ستريتبولدان «Nur Sultan Cup» ءتۋرنيرى ۇيىمداستىرىلادى.
5-9 شىلدە ارالىعىندا «استانا بالەت» تەاترى «ورفەي جانە ەۆريديكا» بالەتىنىڭ پرەمەراسىنا شاقىرادى.
6 شىلدەدە ساعات 11:00-دە ترياتلون پاركتە «Elorda Tolqyny» سپورتتىق جارىسى باستالادى. وسى ۋاقىتتا «قازانات» يپپودرومىندا شاباندوزدار «ەلوردا كۋبوگى» ءۇشىن بايگە تۇرلەرىنەن باق سىنايدى.
كەشكە, ساعات 21:00-دە امفيتەاتر ساحناسىندا ۇلىقپان جولداسوۆ «اق قانات-اق قۇسىم» باعدارلاماسىمەن ونەر كورسەتەدى. ساعات 18:00-دەن 22:00-گە دەيىن «استانا-ارەنا» ستاديونىنىڭ تۇراعىندا ءداستۇرلى Open air «حالىقپەن بىرگە» وتەدى.
سول كۇنى كەشكە «قازاقستان» وكز «دوس-مۇقاسان» ءانسامبلىنىڭ شىعارماشىلىعىنا ارنالعان «دالام مەنىڭ» كونتسەرتى ۇيىمداستىرىلادى.
8 شىلدەدە امفيتەاتردا «مەن سەنى سۇيەمىن, مەنىڭ استانام» اتتى كونتسەرتتىك قويىلىم وتەدى.
ايتا كەتسەك, «بارىس ارەنا» مۇز سارايىنىڭ جانىندا 12 ساعاتتىق Open air «You Fest» شاراسىن وتكىزۋ 20 شىلدەگە اۋىستىرىلدى.
