اتالعان ءىس-شارانىڭ ماقساتى – وقۋ ورىندارىنىڭ تۇلەكتەرىن وزدەرى قالاعان سالاداعى بوس جۇمىس ورىندارىنا بەيىمدەۋ جانە بىرنەشە جۇمىس بەرۋشىلەرمەن تىكەلەي بايلانىس ورناتۋ مۇمكىندىگىنە جول اشىپ بەرۋ. ءىس-شاراعا سونىمەن بىرگە مۇمكىندىگى شەكتەۋلى جاندار دا قامتىلعان.
باعدارلاما ارقىلى جۇمىسپەن قامتىلىپ وتىرعانداردىڭ دەنى – جاستار. ەكى جارىم اي ىشىندە كومپيۋتەرلىك ديزاينمەن قاتار كامەرامەن جۇمىس ىستەۋدىڭ قىر-سىرىن جەتە مەڭگەرگەن ساياسات بەكسۇلتان ماراپاتقا يە بولىپ, باعدارلاما يەلەرىنە العىسىن ءبىلدىرىپ: «جۇرگىزىلىپ وتىرعان باستاما ارقىلى كوپتەگەن داعدى ۇيرەنۋگە مۇمكىندىك اشىلدى. كامەرامەن جۇمىس ىستەۋدى ۇيرەنىپ, باسقا دا جۇمىس تۇرلەرىمەن تانىستىم. بارشاڭىزعا العىسىمدى جەتكىزەمىن», دەدى اعىنان جارىلا.
ال قالاعان سالاسى بويىنشا جۇمىسپەن قامتىلىپ, قوشەمەتكە يە بولعان التىناي ەسىمدى قىز: «العاش جۇمىسقا كىرىسكەندە ەشنارسە تۇسىنە المادىم. ال قازىر كامەرامەن بەينابايان ءتۇسىرۋدى مەڭگەردىم. كوزىمنىڭ ازداپ اقاۋى بولسا دا, بۇل ماعان كەدەرگى كەلتىرگەن جوق. شاۆكات مىرزانىڭ كومەك قولىن سوزعانىنا العىسىمدى بىلدىرەمىن. جوعارى كاسىبي مامانداردىڭ ارقاسىندا وقۋ كۋرسىن دا تەز ءبىتىردىم, ويتكەنى ءبارى قولجەتىمدى, جەڭىل ءارى تۇسىنىكتى بولدى», دەپ ريزاشىلىعىن ءبىلدىردى.
