تاعايىنداۋ • 04 شىلدە، 2022

ولجاس سىدىقبەك جاڭا قىزمەتكە تاعايىندالدى

345 رەت كورسەتىلدى

ولجاس سىدىقبەك «Elorda Aqparat» جشس ديرەكتورى بولىپ تاعايىندالدى، دەپ حابارلايدى Egemen.kz Elorda.info سايتىنا سىلتەمە جاساپ.

جاڭا باسشىنى ۇجىمعا نۇر-سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ تانىستىردى.

سىدىقبەك ولجاس داۋرەن ۇلى 1984 جىلى الماتى وبلىسىندا دۇنيەگە كەلگەن. 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا» ماماندىعى بويىنشا، 2010 جىلى ت.جۇرگەنوۆ اتىنداعى قازاق ۇلتتىق ونەر ۋنيۆەرسيتەتىن «رەجيسسەرلىك» ماماندىعى بويىنشا تامامداعان. 

ءار ءتۇرلى جىلدارى قازاق راديوسىندا، تەلەارنالاردا جۇمىس ىستەگەن. 

«قازاقستان» رەسپۋبليكالىق تەلەراديوكەشەنى» اق ءبولىم باستىعى، قر ۇلتتىق مۋزەيدىڭ اقپاراتتىق-يميدجدىك جۇمىسى ورتالىعىنىڭ باسشىسى قىزمەتتەرىن اتقارعان.

بۇعان دەيىن ەركەعالي راحماديەۆ اتىنداعى مەملەكەتتىك اكادەميالىق فيلارمونيا باس ديرەكتورىنىڭ ورىنباسارى بولعان.

ايتا كەتەيىك، بۇعان دەيىن «Elorda Aqparat» جشس ديرەكتورى بولعان ەرلان قارابالاەۆ مەملەكەتتىك قىزمەتكە اۋىسۋىنا بايلانىستى بۇل لاۋازىمنان بوساتىلدى.   

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار