قازاقستان • 01 شىلدە، 2022

سەنىمگە نەگىزدەلگەن سىندارلى قاتىناس

35 رەت كورسەتىلدى

قازاقستان رەسپۋبليكاسى مەن ليۋكسەمبۋرگ ۇلى گەرتسوگتىگى اراسىنداعى ديپلوماتيالىق قاتىناستاردىڭ ورناعانىنا 30 جىل تولدى. 29 ماۋسىم – ەكىجاقتى قارىم-قاتىناستاردىڭ ماڭىزدى سيمۆولدىق كۇنى، دەپ حابارلايدى سىرتقى ىستەر مينيسترلىگىنىڭ رەسمي سايتى.

وسىعان وراي ەكى ەل اراسىنداعى ديپ­لو­ما­تيالىق قاتىناستاردىڭ ورناعا­نىنا 30 جىل تولۋى سالتاناتتى تۇردە اتالىپ ءوتتى.

وتكەن ءۇش ونجىلدىقتا نۇر-سۇلتان مەن ليۋكسەمبۋرگ اراسىندا ءوزارا قۇرمەتكە، سەنىمگە جانە ءوزارا ءتيىمدى ىنتىماقتاستىققا نەگىزدەلگەن بەرىك تە سىندارلى قاتىناس ورنادى. وسىناۋ ارىپتەستىك زاڭ ۇستەمدىگى، بەيبىتشىلىككە جاردەمدەسۋ، ادام قۇقىقتارىن قورعاۋ جانە دەموكراتيالىق ينستيتۋتتاردى نىعايتۋ سياقتى ورتاق قۇندىلىقتار مەن قاعيداتتارعا نەگىزدەلدى. ليۋكسەمبۋرگ پرەمەر-ءمينيسترى كساۆە بەتتەل مىرزانىڭ 2015 جانە 2017 جىلدارى قازاقستانعا جاساعان ساپارلارىن قوسا العانداعى وسى كەزەڭ ىشىندە وتكىزىلگەن ساياسي كەزدەسۋلەر وزەكتى حالىقارالىق ماسەلەلەر بويىنشا ىنتىماقتاستىقتى نىعايتۋ مەن كەڭەيتۋگە جانە ۇستانىم­داردى ۇيلەستىرۋگە ەكىجاقتى فورماتتا دا، كوپجاقتى فورۋمداردا دا ەلەۋلى دارەجەدە ىقپال ەتتى.

قازاقستان مەن ليۋكسەمبۋرگ پارلا­مەنت­تەرىندە قۇرىلعان «دوستىق توپتارى» ەكىجاقتى سەرىكتەستىگىمىزدە ماڭىزدى رولگە يە. پارلامەنتارالىق ديالوگ پەن ساپارلار ەكىجاقتى جانە كوپجاقتى، ونىڭ ىشىندە ەقىۇ پارلامەنتتىك اسسامبلەياسى قىزمەتى شەڭبەرىندەگى، سونداي-اق «قازاقستان – ەۋروپا كەڭەسىنىڭ پارلامەنتتىك اسسامبلەياسى» فورماتىنداعى ىنتىماقتاستىقتى نىعايتتى.

قازاقستان مەن ليۋكسەمبۋرگ اراسىن­داعى بايلانىستاردىڭ كەڭەيۋى ساۋدا جانە ينۆەستيتسيالىق مۇمكىندىكتەردىڭ، سونداي-اق عىلىمي-تەحنيكالىق ارىپتەستىكتىڭ ودان ءارى وسۋىنە ىقپال ەتەدى. قازاقستانداعى «بەنيليۋكس» ساۋدا پالاتاسى مەن قۇرمەتتى كونسۋلدار ينستيتۋتىنىڭ قىزمەتى ەكونوميكالىق ىنتىماقتاستىقتى ارتتىرۋ مەن زاماناۋي وزەكتى ماسەلەلەردى شەشۋگە باعىتتالعان. تاراپتار ليۋكسەمبۋرگ الەمدىك كوشباسشىلاردىڭ ءبىرى بولىپ تانىلاتىن قارجى، جوعارى تەحنولوگيالار، عارىش ونەركاسىبى، تسيفرلاندىرۋ سالالارىنداعى ەكونوميكالىق ىنتىماقتاستىققا، سونداي-اق تۇراقتى جانە «جاسىل» دامۋ سالاسىنداعى ىنتىماقتاستىققا باسا نازار اۋدارادى.

تاراپتار قوس مەملەكەتتىڭ مادەني جانە ءبىلىم بەرۋدەگى بايلانىستارىن كەڭەيتۋ ءۇشىن ەلەۋلى كۇش-جىگەر جۇمساۋدا. 2020 جىلى ليۋكسەمبۋرگتە قازاق حالقىنىڭ ويشىلى، ۇلى اقىن اباي قۇنانباەۆتىڭ 175 جىلدىعىنا ارنالعان ءىس-شارالار ءوتتى.

ديپلوماتيالىق قاتىناستاردىڭ 30 جىلدىعىن اتاپ ءوتۋ اياسىندا تاراپتار قازاقستان-ليۋكسەمبۋرگ قارىم-قاتىناستارىن سەنىمدى ديالوگ پەن ارىپتەستىك رۋحىندا نىعايتۋعا بار كۇش-جىگەرىن سالۋعا نيەتتى بولىپ قالا بەرمەك.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار