قارجى • 29 ماۋسىم، 2022

ناقتى پايىزدىق مولشەرلەمە نولگە تەڭەستى

34 رەت كورسەتىلدى

قازاقستان قارجىگەرلەر قاۋىمداستىعى 2022 جىلدىڭ 1 ماۋسىمىنداعى جاعداي بويىنشا وتاندىق قارجى نارىعىنداعى پايىزدىق ستاۆكالارعا شولۋ جاسادى. قاۋىمداستىق ساراپشىلارىنىڭ ايتۋىنشا، ناقتى پايىزدىق ستاۆكا 2016 جىلدان بەرى العاش رەت نولگە تەڭەستى جانە جاقىن ايلاردا تەرىس مانگە اينالۋى مۇمكىن.

كوللاجدى جاساعان امانگەلدى قياس، «ەQ»

ناقتى پايىزدىق ستاۆكانىڭ نول­گە تەڭەسۋىن تۇسىندىرە كەتەيىك. ناق­تى پايىزدىق ستاۆكا – بازالىق ستاۆ­كا­دان ينفلياتسيانى الىپ تاس­تاعانداعى مولشەرلەمە. قازىر بىزدە بازالىق ستاۆكا دا، ينفلياتسيا دا – 14 پايىز. دەمەك ناقتى ستاۆكا – 0 ء(نول). ەگەر ينفلياتسيا ءوسۋىن توق­تات­پاسا، وندا الداعى ۋاقىتتا ناق­تى پايىزدىق ستاۆكا تەرىس، ياعني مينۋسقا قاراي كەتۋى ىقتيمال.

«ينفلياتسيانىڭ بازالىق ستاۆكامەن ءبىر دەڭگەيگە شىعۋى جاعدايىندا ەلدەگى قارجى-نەسيە شارتى ىنتالاندىرۋشى مانگە يە بولدى. 3-4 پايىز شەگىندەگى ەل ەكونوميكاسى ءۇشىن تەپە-تەڭدىك دەڭگەيى كەزىندە ەكونوميكاداعى ناقتى پايىزدىق ستاۆكا 2016 جىلدان بەرى العاش رەت ءنول بولىپ وتىر. جاقىن ارادا ول تەرىس تەرريتو­ريا­عا شىعۋى مۇمكىن. سونىمەن قاتار بازالىق ستاۆكا بويىنشا شەشىمدەر ترانس­ميسسياسىنىڭ دەڭگەيى اقشا نارى­عىندا، كورپوراتيۆتى نەسيەلەۋ نارىعىندا، بولشەك قورلاندىرۋ مەن باعالى قاعازدار نارىعىندا جوعارى دەڭگەيدە قالىپ وتىر. بۇل رەتتە 2021 جىلى بيزنەسكە بەرىلگەن بارلىق نەسيە كولەمىنىڭ 24 پايىزىن العان بيزنەستى مەملەكەتتىك قولداۋ باعدارلامالارى ەسەپكە الىنىپ وتىرعان جوق»، دەلىنەدى قاۋىمداستىق حابارلاماسىندا.

ولاردىڭ ايتۋىنشا، بازالىق ستاۆكانىڭ وزگەرۋى بولشەك نەسيەلەر بويىنشا ستاۆكاعا اسەر ەتە قويماعان. ساراپشىلاردىڭ پايىمىنشا، بۇل بالكىم، نارىقتاعى كليەنت ءۇشىن باسەكەگە وراي پايىزدىق مارجانىڭ تومەندەۋىمەن جانە جەڭىلدەتىلگەن نەسيە ۇلەسىنىڭ تىم كوپتىگىمەن بايلانىستى.

«كورپوراتيۆتى جانە بولشەك نەسيەلەۋ نارىعىنىڭ جەكەلەگەن سەگمەنتتەرىندەگى ناقتى ستاۆكا تەرىس ايماقتا. ماسەلەن، ونەركاسىپ، اۋىل شارۋاشىلىعى جانە بايلانىس سەكتورلارىنداعى زايم بويىنشا ناقتى ستاۆكالار مينۋس ماندە – (-) 0،4، (-) 2،7 جانە (-) 4،8 پا­يىز. يپوتەكالىق زايمدار بويىنشا – (-) 5،8 پايىز. كورپوراتيۆتى قارىزدى ورنالاستىرۋ كولەمى دە ايتارلىقتاي قۇلدىرادى. بۇل گەوساياسي داعدارىسقا جانە جۇيەدەگى ستاۆكالاردىڭ جالپى وسىمىمەن بايلانىستى. وسى جىلدىڭ قاڭتار-مامىر ايلارىندا وبليگاتسيالاردى ورنالاستىرۋ كولەمى 61،5 ملرد تەڭگەنى قۇرادى، بۇل 2021 جىلدىڭ اتالعان كەزەڭىمەن سالىستىرعاندا 6 ەسە تومەن (بىلتىر 366،3 ملرد تەڭگە بولعان)»، دەيدى ساراپشىلار.

قاۋىمداستىق وكىلدەرىنىڭ سوزى­نە سۇيەنسەك، اقشا نارىعىنداعى قۇرالدار كىرىسىنىڭ ءوسىمى جانە بازا­لىق ستاۆكانىڭ ۇلعايۋىنان كەيىن ىلە-شالا وتىمدىلىكتىڭ تازالانا ءتۇسۋى ولاردىڭ تارتىمدىلىعىن ارتتىرىپ، ۇلتتىق ۆاليۋتا مەن ينفلياتسياعا دەگەن قىسىمدى ازايتقان.

«ەكونوميكاداعى پروينفليا­تسيالىق قىسىم جانە ينفلياتسيانىڭ ماقساتتى تارگەتتەن (4-6 پايىز) اسىپ كەتۋدى جالعاستىرۋى ينفلياتسيا­لىق كۇتىلىمدەردىڭ ودان ءارى وسە تۇسۋىنە اسەر ەتەدى. ەكونوميكانىڭ ءوسۋىن جەدەلدەتۋ كەزىندە (2021 جىلدىڭ قورىتىندىلارى بويىنشا 4 پايىزبەن سالىستىرعاندا، قاڭتار-مامىردا 4،6 پايىزعا دەيىن) مونەتارلىق رەت­تەۋشى ءۇشىن مەملەكەت باسشى­سىنىڭ تاپسىرماسىنا سايكەس ەلدەگى باعانىڭ ودان ءارى ءوسۋىن تەجەۋ جانە قازاقستاندىقتاردىڭ ءال-اۋقاتىن قولداۋ باسىمدىق بولىپ سانالادى»، دەيدى قاۋىمداستىق.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار