ەكونوميكا • 29 ماۋسىم، 2022

بەنزين قىمباتتايدى

26 رەت كورسەتىلدى

قازاقستاندا جانار-جاعارماي باعاسى 2025 جىلعا دەيىن كەزەڭ-كەزەڭىمەن قىمباتتايدى. سونىمەن بىرگە الداعى 180 كۇن شەڭبەرىندە اي-80، اي-92، اي-93 بەنزينىنىڭ باعاسى بەكىتىلمەك.

ەنەرگەتيكا مينيسترلىگىنىڭ مۇناي ونىمدەرىن بولشەك ساتۋدىڭ شەكتى باعاسىن بەلگىلەۋ تۋرالى بۇيرىعىنا ەنگىزىلگەن وزگەرىستەر جوباسى اشىق ۇكىمەت پورتالىندا جاريالاندى.

قۇجاتتا كورسەتىلگەندەي، 2022 جىلدىڭ شىلدەسىنەن باستاپ قوستاناي، سولتۇستىك قازاقستان وبلىستارىندا اي-80 بەنزينىنىڭ باعاسى – ليترىنە 89 تەڭگە، اي-92 بەنزينى 187 تەڭگە بولماق.

نۇر-سۇلتان، الماتى، شىمكەنت قالا­لارىندا جانە اقمولا، اقتوبە، شىعىس قازاقستان، باتىس قازاقستان، الماتى، اتىراۋ، جامبىل، قاراعاندى، قىزىلوردا، پاۆلودار، تۇركىستان، ماڭعىستاۋ، سونداي-اق جاڭادان قۇرىلعان اباي، جەتىسۋ، ۇلىتاۋ وبلىستارىندا اي-92 ليترىنە 182 تەڭگەدەن ساتىلماق. ديزەلدى وتىن باعاسى اقمولا، اقتوبە، شىعىس قازاقستان، باتىس قازاقستان، قوستاناي جانە سولتۇستىك قازاقستان وبلىستارىندا ليترىنە 260 تەڭگەدەن بەلگىلەنەدى. ال نۇر-سۇلتان، الماتى، شىمكەنت قالالارىندا جانە وزگە وبلىستاردىڭ بارلىعىندا ليترىنە 230 تەڭگەدەن ساتىلادى.

سونداي-اق جوبادا جانار-جاعارماي باعاسى­نىڭ كەزەڭ-كەزەڭىمەن قىمباتتايتىنى دا كورسەتىلگەن.

«مۇناي باعاسىنىڭ باررەلىنە 130 دوللارى جاعدايىندا ەرەجەگە سايكەس شەكتى بولشەك باعا بىلاي بەلگىلەنەدى: اي-92 بەنزين ماركاسى – 236 تەڭگە/ليتر، ديزەلدى وتىن – 420 تەڭگە/ليتر. اي-92 باعاسىنىڭ بىردەن 54 تەڭگەگە قىمباتتاۋى حالىق اراسىندا جاعىمسىز ەففەكت تۋدىرۋى مۇمكىن ەكەنىن ەسكەرە وتىرىپ 2025 جىلعا دەيىن شەكتى بولشەك باعانى (اي-92 جانە اي-93) كەزەڭ-كەزەڭىمەن كوتەرۋ ۇسىنىلادى»، دەلىنگەن قۇجات ماتىنىندە.

ايتا كەتەيىك، 2025 جىلدان ەاەو-نىڭ ورتاق مۇناي ونىمدەرى جانە مۇناي نارىعىنىڭ قالىپتاسۋى باستالادى.

ەسكە سالايىق، قاڭتارداعى دۇربەلەڭنەن كەيىن 180 كۇنگە دەيىن شەكتى بولشەك باعا بەكىتىلگەن ەدى. اتالعان تارتىپكە سايكەس ماۋسىمنىڭ سوڭىنا دەيىن ەلدە اي-80 باعاسى – ليترىنە 89 تەڭگە، اي-92 – 182 تەڭگە، اي-93 باعاسى – 182 تەڭگە، اي-95 باعاسى – 215 تەڭگە بولىپ تۇرادى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار