ايماقتار • 29 ماۋسىم، 2022

ورال قوقىس استىندا قالۋى مۇمكىن

17 رەت كورسەتىلدى

قاتتى تۇرمىستىق قالدىقتاردى شىعارۋ ءتاريفى وزگەرمەسە، ورال قوقىس استىندا قالۋ قاۋپى بار. قارجىعا بايلانىستى قوقىس شىعاراتىن «ورال تازا سەرۆيس» مەكەمەسى جۇمىسىن توقتاتۋى مۇمكىن، دەپ جازادى Egemen.kz.

«ورال تازا سەرۆيس» جشس ديرەكتورى رافحات داناعۇلوۆتىڭ ايتۋىنشا، كاسىپورىن جۇمىسشىلارى اقپاننىڭ سوڭىندا نارازىلىق ءبىلدىرىپ، جالاقىلارىن 150 مىڭ تەڭگەگە دەيىن كوتەرۋدى تالاپ ەتكەنىمەن، ءالى كۇنگە دەيىن 110 مىڭ تەڭگەگە جۋىق ەڭبەكاقى الىپ وتىر.

«ولار ءوز تالاپتارىن ازىق-ت ۇلىك پەن كوممۋنالدىق قىزمەتتەردىڭ قىمباتتاپ جاتقانىمەن ءتۇسىندىردى. ولاردىڭ كوبى كوپبالالىلار قاتارىندا، جالدامالى باسپانادا تۇرادى، ال پاتەر اقىسى ارزانداپ جاتقان جوق. باعانىڭ ۇزدىكسىز وسۋىنە بايلانىستى وتباسىنا قاراجات جەتپەي وتىر. ءبىز ولاردى جۇمىسقا شىعۋعا ارەڭ كوندىردىك جانە ءوز كەزەگىندە جاڭا ءتاريفتىڭ بەكىتىلۋىنە سەنىپ، جالاقىنى وسىرۋگە ۋادە بەردىك»، دەيدى كاسىپورىن باسشىسى.

ونىڭ ايتۋىنشا، بىلتىر قاراشا ايىندا تۇرعىن ءۇي-كوممۋنالدىق شارۋاشىلىعى بەنزين مەن قوسالقى بولشەكتەردىڭ قىمباتتاۋىنا بايلانىستى قوقىس شىعارۋ ءتاريفىن كوتەرۋ تۋرالى جەرگىلىكتى اتقارۋشى ورگاندارعا ءوتىنىش بەرگەن. بىراق قاڭتار وقيعاسى مەن قازاقستاندا كوممۋنالدىق قىزمەت تاريفتەرىن كوتەرۋگە موراتوري جاريالانۋىنا بايلانىستى بۇل ماسەلە شەشىلمەدى.

ء«بىز ۇلكەن قيىندىققا تاپ بولدىق – نە جالاقىنى كوتەرە المايمىز، نە جۇمىستى توقتاتا المايمىز. بىراق جاقىندا جۇمىسشىلار وزدەرىنىڭ ءادىل تالاپتارى ورىندالماۋىنا بايلانىستى جۇمىسقا شىعۋدان باس تارتۋى مۇمكىن. سونداي-اق ءبىزدىڭ كاسىپورىننىڭ جۇرگىزۋشىلەرى مەن تەمىر ۇستالارى دا جۇمىس ىستەۋدەن باس تارتا ما دەپ قورقامىز»، دەپ جالعاستىردى ديرەكتور.

كومپانيادا اتاپ وتىلگەندەي، بۇگىندە حالىقتىڭ قوقىس شىعارۋ قىزمەتى ءۇشىن كاسىپورىن الدىنداعى قارىزى 190 ميلليون تەڭگەگە جۋىقتاسا، ەكى جىل بۇرىن بۇل كورسەتكىش 250 ميلليون تەڭگەنى قۇراعان. بورىشكەرلەرگە قاتىستى ماسەلەلەر تەك ەسكرەتۋ ارقىلى، ودان كەيىن سوت ورىنداۋشىلار ارقىلى قارىزدى تولەمەگەن ازاماتتاردىڭ جەكە شوتتارىنا تىيىم سالۋ ارقىلى عانا شەشىلىپ وتىر.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار