وبلىس اكىمى نۇرجان نۇرجىگىتوۆ اۋدان اكتيۆىنە جاڭا اكىمدى تانىستىرىپ, جۇمىسىنا ساتتىلىك تىلەدى.
ايماق باسشىسى اۋداننىڭ جاڭا اكىمىنە ءوڭىردىڭ جوعارى الەۋەتىن ءتيىمدى پايدالانىپ, ەكونوميكاسىن ارتتىرۋ, ينۆەستيتسيا تارتۋ, جاڭا جۇمىس ورىندارىن اشۋ, كاسىپكەرلىك, اۋىل شارۋاشىلىعى سالاسىن دامىتۋ بويىنشا ناقتى مىندەتتەر جۇكتەدى.
سونداي-اق حالىقتىڭ تۇرمىسىن جاقسارتۋ, كەرى بايلانىستى نىعايتۋ, ماسەلەلەردى شەشۋ, قوعامدىق تۇراقتىلىقتى قامتاماسىز ەتۋ جولىندا جۇيەلى جۇمىستار جۇرگىزۋ كەرەكتىگىن اتاپ ءوتتى.
ەرنار سەرىكالى ۇلى 1981 جىلى جامبىل وبلىسى ت.رىسقۇلوۆ اۋدانىندا تۋعان. 2003 جىلى قازاق ۇلتتىق اگرارلىق ۋنيۆەرسيتەتىن «اگروونەركاسىپ كەشەنى كاسىپورىندارىنداعى ەكونوميكا جانە مەنەدجمەنت» ماماندىعى بويىنشا تامامداعان. ەڭبەك جولىن
2003 جىلى ت.رىسقۇلوۆ اۋدانى اكىمى اپپاراتىنىڭ ۇيىمداستىرۋ-كادرلىق جانە باقىلاۋ جۇمىسى ءبولىمىنىڭ مامانى بولىپ باستاعان.
ءار جىلدارى ت.رىسقۇلوۆ اۋدانى اكىمدىگىنىڭ ەكونوميكا جانە بيۋدجەتتىك جوسپارلاۋ, كاسپكەرلىك بولىمدەرىنىڭ باس مامانى, جامبىل وبلىسى اكىمى اپپاراتىنىڭ ۇيىمداستىرۋ-ينسپەكتورلىق جانە كادرلىق جۇمىس ءبولىمىنىڭ باس مامانى, باس ينسپەكتورى, قۇجاتتاما جانە باقىلاۋ ءبولىمىنىڭ باسشىسى, «نۇر وتان» پارتياسى وبلىستىق فيليالىنىڭ «قىزمەت» باستاۋىش پارتيا ۇيىمىنىڭ توراعاسى, وبلىس اكىمدىگىنىڭ ەڭبەك ينسپەكتسياسى باسقارماسى باسشىسىنىڭ ورىنباسارى-مەملەكەتتىك ەڭبەك ينسپەكتورى قىزمەتتەرىن اتقارعان.
2021 جىلدىڭ قىركۇيەك ايىنان باستاپ بۇگىنگى كۇنگە دەيىن جامبىل وبلىسى اكىمدىگىنىڭ ەڭبەك ينسپەكتسياسى باسقارماسىنىڭ باسشىسى - باس مەملەكەتتىك ەڭبەك ينسپەكتورى لاۋازىمىندا ەڭبەك ەتىپ كەلدى.
ايانا توعانبەك
