بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ ءمالىم ەتكەنىندەي, وبلىس تۇرعىندارىنان تىرىسقاق انىقتالعان جوق.
ونىڭ ايتۋىنشا, جىل سايىن وتكىر ىشەك جۇقپالارى ءورشيتىن كەزەڭدە, مامىردان باستاپ قازان ايىنا دەيىن اشىق سۋلاردان تىرىسقاق ۆيبريونىنا سىناما الىنادى.
«تىرىسقاق ۆيبريوندارى پاتوگەندى جانە پاتوگەندى ەمەس بولىپ بولىنەدى, بارلىعى 150-دەي ءتۇرى بار. مامىر ايىنان باستاپ الىنعان 73 سىنامانىڭ 14-ىنەن پاتوگەندى ەمەس تىرىسقاق تارىزدەس Vibrio cholerae non O1 تابىلدى. قازىرگى كەزدە قاۋىپتى دەرتتىڭ الدىن الۋ ماقساتىندا كۇن سايىن مونيتورينگ جۇرگىزىلۋدە. سونىمەن قاتار ادامدار وزەن-كولدە شومىلعان كەزدە سۋدى جۇتىپ قويماي, بايقاۋ كەرەك. اۋرۋ لاستانعان سۋدان تارالادى. ەڭ باستىسى, جەكە باس گيگيەناسىن ساقتاۋ قاجەت», دەدى ن.مۇستاەۆ.
ايانا توعانبەك
