اقپارات جانە قوعامدىق دامۋ مينيسترلىگى اقپارات كوميتەتىنىڭ توراعاسى قانات ىسقاقوۆ ازەربايجان رەسپۋبليكاسى مەديا دامۋ اگەنتتىگىنىڭ باس ديرەكتورى احمەد يسمايلوۆپەن كەزدەسىپ, تاراپتار اقپارات سالاسىنداعى ىنتىماقتاستىقتى ودان ءارى دامىتۋ ماسەلەلەرىن ءسوز ەتتى.
اتاپ ايتقاندا, ازەربايجان اۋماعىندا قازاقستاندىق تەلەارنالاردى كورسەتۋ, بالالار انيماتسيالىق كونتەنتىن ديستريبۋتسيالاۋ جانە الماسۋ, سونداي-اق بىرلەسكەن مەديا جوبالاردى ىسكە اسىرۋ مۇمكىندىگى قاراستىرىلدى. كەزدەسۋ قورىتىندىسىندا تاراپتار تالقىلانعان جوبالاردى ىسكە اسىرۋ بويىنشا بىرلەسكەن جۇمىس توبىن قۇرۋعا كەلىستى.
قازاقستان وكىلى ازەربايجان تاراپىن ورتا ازيانىڭ مەديا سالاسىنداعى ەڭ ءىرى ءىس-شارا – Astana Media Week-كە قاتىسۋعا شاقىردى.
ايتا كەتسەك, IX جاھاندىق باكۋ فورۋمىندا كوۆيد پاندەمياسىنان كەيىنگى گەوساياسي لاندشافتتى قالىپتاستىرۋ, سOVID-19-دىڭ ورتا ءبىلىم مەن بولاشاققا اسەرى, كليماتتىق قۇبىلىستار, عىلىم, تەحنولوگيا جانە يننوۆاتسيا, سونداي-اق ەكونوميكانىڭ جاھاندىق قايتا قۇرىلۋى جانە باسقا دا ماسەلەلەر تالقىلانادى.
