مينيستر ءوز سوزىندە مەكتەپكە دەيىنگى تاربيە ماسەلەسىنە باسا نازار اۋداردى. قازاقستاندىق بالاباقشالاردا جاڭا مودەل ەنگىزىلۋدە - بالالاردى ويىن ارقىلى تاربيەلەۋ جانە وقىتۋ.
- ورتا ءبىلىم - ماڭىزدى دەڭگەي. وتكەن جىلى ەلىمىزدە 277 جاڭا مەكتەپ سالىندى. بالا سانى ارتقاندىقتان, بۇل ازدىق ەتتى. جوسپار بويىنشا 2025 جىلعا قاراي كەم دەگەندە 1 ملن وقۋشى ورنى اشىلادى. سونىمەن قاتار, ءبىز مەكتەپتەردە تىلدەردى بىرتىندەپ ەنگىزۋدى كوزدەيمىز. مەملەكەتتىك تىلدەگى مەكتەپتەر ءۇشىن ءبىرىنشى سىنىپتا قازاق ءتىلى قوسىلادى, ەكىنشى سىنىپتا ورىس, ال ءۇشىنشى سىنىپتا اعىلشىن ءتىلى قوسىلادى, - دەدى اسحات ايماعامبەتوۆ.
سونداي-اق مينيستر دەبات ويىندارى مەن «وقيتىن مەكتەپ» جوبالارى ۇرپاق تاربيەسىندە ماڭىزدى ەكەنىن اتاپ ءوتتى.
كەزدەسۋدىڭ ەكىنشى بولىگىندە مينيستر تۇرعىنداردىڭ سۇراقتارىنا جاۋاپ بەردى. اتا-انالار قاۋىمى وزدەرىن تولعاندىرعان ساۋالدارىنا جاۋاپ الدى.
