سەناتوردىڭ ايتۋىنشا, مەملەكەتتىك مەنشىكتىڭ نارىقتىق باعادان 15 ەسە تومەن باعامەن جەكە مەنشىگىنە وتكەن فاكتىلەر تىركەلگەن. دەپۋتاتتىڭ نارازىلىعى جەكەشەلەندىرۋدىڭ ماقساتى مەن 2021-2025 جىلدارعا ارنالعان جەكەشەلەندىرۋدىڭ كەشەندى جوسپارىنىڭ جۇمىسى ەكونوميكالىق پايدا الۋ بولۋى كەرەك ەدى دەگەنگە نەگىزدەلگەن.
«ەسەپ كوميتەتىنىڭ دەرەكتەرىنە سايكەس 2021 جىلدىڭ قورىتىندىسى بويىنشا قۇنى نارىقتىق باعادان 21%-عا تومەن 218 وبەكت ساتىلدى. نارىقتىق قۇنى - 74,3 ملرد تەڭگە, ساتۋ قۇنى - 59 ملرد تەڭگە. بىرقاتار وڭىرلەر بويىنشا ساتۋ قۇنىن ايتارلىقتاي تومەندەتۋ فاكتىلەرى بايقالادى. ماسەلەن, جامبىل وبلىسىندا نارىقتىق قۇنى مەن ساتۋ قۇنى اراسىنداعى ايىرماشىلىق 15 ەسە. الماتى قالاسى بويىنشا - 3,2 ەسە, الماتى وبلىسى بويىنشا - 2,4 ەسە», دەپ نارازىلىعىن ءبىلدىردى سەناتور.
سەناتور كۆازيمەملەكەتتىك سەكتور نىساندارىن ساتۋدا دا وسىنداي فاكتىلەر بار ەكەنىن باسا ايتتى. دەپۋتات بۇل جاعداي جەكەشەلەندىرۋ ۇدەرىسىنىڭ تومەن تيىمدىلىگىن كورسەتەتىنىن ەسكەرىپ, مينيسترلەر كابينەتىنىڭ مۇشەلەرىنەن وسى جاعدايعا نازار اۋدارۋدى سۇرادى.
ايانا توعانبەك
