قۇجاتتا وتىنىشتەردى قابىلداۋ مەن مەملەكەتتىك قىزمەتتەردىڭ دايىن ناتيجەلەرىن بەرۋ مەملەكەتتىك كورپوراتسيا ارقىلى دۇيسەنبىدەن جۇمانى قوسا العاندا ساعات 9.00-دەن 18.00-گە دەيىن ءۇزىلىسسىز جۇزەگە اسىرىلادى دەلىنگەن.
بۇل رەتتە مەملەكەتتىك كورپوراتسيانىڭ حالىققا قىزمەت كورسەتۋ كەزەكشى بولىمدەرى مەرەكە جانە دەمالىس كۇندەرىنەن باسقا, دۇيسەنبىدەن باستاپ جۇمانى قوسا العاندا ساعات 9.00-دەن 20.00-گە دەيىن جانە سەنبى كۇنى ساعات 9.00-دەن 13.00-گە دەيىن جۇمىس ىستەيدى.
قازىر حقكو-لار جەكسەنبى جانە مەرەكە كۇندەرىن قوسپاعاندا, ساعات 9.00-دەن 20.00-گە دەيىن ءۇزىلىسسىز قىزمەت ەتەدى.
مينيسترلىكتە تۇسىندىرگەندەي, جۇمىس كەستەسىنىڭ وزگەرۋى كادرلاردىڭ جەتىسپەۋشىلىگىنەن تۋىنداعان.
«2021 جىلعى قاڭتارداعى جاعداي بويىنشا قازاقستان رەسپۋبليكاسى بويىنشا حالىققا قىزمەت كورسەتۋ بولىمدەرى قىزمەتكەرلەرىنىڭ شتات سانى 8 967 بىرلىكتى قۇرادى. بۇگىنگى تاڭدا وپەراتورلاردىڭ شتاتتىق سانى – 8 379,5 بىرلىكتى, ناقتى – 7 062,5 بىرلىكتى قۇرايدى. سونداي-اق مەملەكەتتىك كورپوراتسيا قىزمەتكەرلەرىنىڭ سانىن 30%-عا قىسقارتۋ جوسپارلانىپ وتىر. وسىعان بايلانىستى ەكى اۋىسىمدى جۇمىس كەستەسىنە (ساعات 9:00-دەن 18:00-گە دەيىن جانە ساعات 11.00-دەن 20.00-گە دەيىن) كوشۋ ورىنسىز دەپ سانايمىز», دەلىنگەن مينيسترلىك قۇجاتىندا.
ۆەدومستۆونىڭ مالىمەتىنشە, جۇمىس كەستەسىن 9:00-دەن 18:00-گە دەيىن قىسقارتۋ وڭ ديناميكانى كورسەتۋگە, قىزمەتكەرلەردى ءبىر اۋىسىمدىق جۇمىس كەستەسىنە اۋىستىرۋعا جانە كەسىمدى ەڭبەكاقى تولەۋ جۇيەسىن ەنگىزۋگە جانە ناتيجەسىندە قىزمەتكەرلەردىڭ جوعارى جۇمىس قابىلەتتىلىگىن قامتاماسىز ەتۋگە مۇمكىندىك بەرەدى.
سونىمەن قاتار حالىققا قىزمەت كورسەتۋ بولىمدەرىنە جۇگىنبەي, مەملەكەتتىك قىزمەت كورسەتۋ بويىنشا بىرقاتار قوسىمشا ارنا بار ەكەندىگى اتاپ ءوتىلدى (ماسەلەن, egov.kz ەلەكتروندىق ۇكىمەت پورتالى, egovmobile موبيلدىك قوسىمشاسى, «حقكو» موبيلدىك قوسىمشاسى ارقىلى مەملەكەتتىك قىزمەتتەردىڭ كەيبىر تۇرلەرىن بەينە قوڭىراۋ ارقىلى الۋعا بولادى).
«سونىمەن قاتار جۇمىس كەستەسىن قىسقارتۋ جانە حقكو كەزەكشىلەرىن ەنگىزۋ كوممۋنالدىق قىزمەتتەر ءۇشىن بيۋدجەتتى ۇنەمدەۋگە وڭ اسەرىن تيگىزەدى», دەلىنگەن قۇجاتتا.
بۇيرىق جوباسى جاريا تالقىلاۋ ءۇشىن 29 ماۋسىمعا دەيىن اشىق نقا سايتىندا ورنالاستىرىلعان.
