Stopfake.kz مالىمەتىنشە, بالالار اراسىندا بەلگىسىز گەپاتيتتىڭ ءورشۋى اقش, ۇلىبريتانيا جانە ەۋروپانىڭ كەيبىر ەلدەرىندە تىركەلگەن. ناۋقاستاردىڭ باسىم بولىگى 10 جاسقا دەيىنگى بالالار. ال, كەيبىرەۋلەرى ءالى بەسكە دە تولماعان. ازىرگە عالىمدار اۋرۋدىڭ ناقتى سەبەبىن انىقتاعان جوق. الايدا قازىرگى تەوريالاردا بىردەن بىرنەشە نۇسقا ۇسىنىلىپ وتىر. كەيبىر زەرتتەۋشىلەردىڭ پايىمداۋىنشا, اۋرۋ باۋىردىڭ جۇمىسىنا اسەر ەتكەن COVID-19-بەن اۋرۋدىڭ سالدارىنان تۋىنداعان. باسقالارىنىڭ پىكىرىنشە, بۇعان دۇرىس تاماقتانباۋ جانە بالالار اراسىنداعى سەمىزدىك سەبەپ بولۋى مۇمكىن.
شوتلانديادا جۇرگىزىلگەن زەرتتەۋ اۋرۋ وشاعى 41 ءتيپتى ادەنوۆيرۋستان تۋىنداۋى ىقتيمال ەكەنىن كورسەتتى. ول ناۋقاس بالالاردان الىنعان بيوماتەريال ۇلگىلەرىنىڭ كوبىنەن تابىلعان. ناۋقاستاردىڭ ءبارى بىردەي ەگىلمەگەندىكتەن, COVID-19-عا قارسى ۆاكتسينا بالالار اراسىندا گەپاتيتتىڭ ورشۋىنە سەبەپ بولا المايدى. ويتكەنى بەس جاسقا دەيىنگى بالالارعا ارنالعان COVID-19-عا قارسى ۆاكتسينالار الى ماقۇلدانعان جوق.
كۆي قارسى ۆاكتسينا بەس جاستان اسقان بالالار عانا جاسالادى. بىراق ماقۇلداماس بۇرىن بارلىق پرەپاراتتار كلينيكالىق جانە كلينيكاعا دەيىنگى زەرتتەۋلەردەن ءوتتى. ولاردىڭ بارىسىندا ۆاكتسيناتسيا ناتيجەسىندە گەپاتيتپەن اۋىرۋ جاعدايلارى بولعان جوق. عالىمدار جاپپاي اۋرۋدىڭ سەبەبىن ءالى كۇنگە دەيىن انىقتاپ جاتىر. اۋىرعان بالالاردىڭ ءبارى بىردەي ەكپە الماعاندىقتان ونىڭ سەبەبى ۆاكتسينا بولا المايدى.
