قازىر سەمەي قالاسىندا اباي وبلىستىق ءماسليحاتىنىڭ العاشقى سەسسياسى ءوتىپ جاتىر. وندا دەپۋتاتتار وبلىستىق ءماسليحاتىنىڭ حاتشىسىن سايلادى.
دەپۋتاتتاردىڭ شەشىمىمەن حاتشىلىق قىزمەتتى قۋانىش سۇلەيمەنوۆ اتقارادى. قۋانىش سەرقازى ۇلى 1973 جىلى بۇرىنعى سەمەي وبلىسىنىڭ شار قالاسىندا تۋعان.
سەمەي مەملەكەتتىك ۋنيۆەرسيتەتىنىڭ تاريح فاكۋلتەتىن ءبىتىردى. وقۋىن قازاق مەملەكەتتىك زاڭگەرلىك اكادەميادا, سەمەي قالاسىنداعى شاكارىم اتىنداعى مەملەكەتتىك ۋنيۆەرسيتەتتە «مال شارۋاشىلىعى ونىمدەرىن ءوندىرۋ تەحنولوگياسى» ماماندىعى بويىنشا جالعاستىرىپ, اۋىلشارۋاشىلىق عىلىمدارىنىڭ ماگيسترى اتانعان.
وسى ۋاقىتقا دەيىن «شالاباي» جشس باس ديرەكتورى قىزمەتىن اتقاردى.
