بەكبول ورىنباساروۆ ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «ساياسي ەكونوميا جانە قوعامتانۋ وقىتۋشىسى» ماماندىعى بويىنشا, ش.ەسەنوۆ اتىنداعى اقتاۋ ۋنيۆەرسيتەتىن ەكونوميست ماماندىعى بويىنشا تامامداعان.
ول, سونداي-اق, ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ماگيستراتۋراسىن وقىعان.
ب. ورىنباساروۆ ءوز ەڭبەك جولىن 1993 جىلى فورت-شەۆچەنكودا ماڭعىستاۋ وبلىستىق كەدەن باسقارماسىنىڭ «باۋتينو» كەدەن بەكەتىنىڭ ينسپەكتورى لاۋازىمىنان باستاعان.
1996 جىلدان 1998 جىلعا دەيىن بانك جانە قارجى سەكتورىندا قىزمەت ەتتى.
1999 جىلى اقتاۋ قالالىق اكىمشىلىگىنىڭ م ۇلىكپەن باسقارۋ ءبولىمىنىڭ باس مامانى بولىپ جۇمىس ىستەگەن.
2005 جىلعا دەيىن اقتاۋ اكىمدىگىندە ءتۇرلى لاۋازىمداردى اتقاردى.
كەيىن اقتاۋ اكىمىنىڭ ورىنباسارى بولىپ تاعايىندالدى.
2006 جىلى ەكونوميكا جانە بيۋدجەتتىك جوسپارلاۋ مينيسترلىگى ىشكى اكىمشىلىك دەپارتامەنتىنىڭ بۋحگالتەرلىك ەسەپ جانە كادر جۇمىسى, اقپاراتتىق تەحنولوگيالار جانە ۇيىمداستىرۋ تەحنيكالىق قامتاماسىز ەتۋ باسقارماسىنىڭ باستىعى بولدى, وندا ول 2019 جىلعا دەيىن جۇمىس ىستەدى.
2019 جىلدان باستاپ 2021 جىلدىڭ ناۋرىزىنا دەيىن «اقتاۋ تەڭىز پورتى» ارنايى ەكونوميكالىق ايماعى» اق باسقارما توراعاسى بولعان.
2021 جىلدىڭ ناۋرىز ايىنان باستاپ, بۇگىنگى كۇنگە دەيىن - ماڭعىستاۋ وبلىسى اكىمىنىڭ ورىنباسارى لاۋازىمىندا بولدى.
