قالالىق-اۋماقتىق, رەفەرەندۋم كوميسسياسىنىڭ توراعاسى قايىربەك قۇنانباەۆتىڭ ايتۋىنشا, ءۇشىنشى مەگاپوليستە 311 رەفەرەندۋم ۋچاسكەسىندە داۋىس بەرۋ قۇقىعىنا يە 631 133 سايلاۋشى تىركەلگەن. ال رەفەرەندۋم ۋچاسكەسىنە العاشقىلاردىڭ ءبىرى بولىپ, ياعني تاڭعى ساعات 7-00 دە كەلگەن ەڭبەكشى اۋدانىنىڭ تۇرعىنى, تىل ارداگەرى وركەن ابدرەەۆ قازاقستاننىڭ بولاشاعى ءۇشىن ءوزىنىڭ تاڭداۋىن №142 رەفەرەندۋم ۋچاسكەسىندە جاسادى. قاريا ءانۇراندى ۋچاسكەلىك كوميسسيامەن بىرگە شىرقادى.
شىمكەنت قالاسىنىڭ اكىمى مۇرات ايتەنوۆ «تۇركىستان» سارايىندا ورنالاسقان №231 رەفەرەندۋم ۋچاسكەسىنە كەلىپ, ءوز داۋسىن بەردى.
