ەڭ كوپ داۋىس بەرۋشىلەر سانى شىمكەنتتە تىركەلدى

ورتالىق سايلاۋ كوميسسياسىنىڭ مۇشەسى ءسابيلا مۇستافينا وبلىستاردىڭ, رەسپۋبليكالىق ماڭىزى بار قالالاردىڭ, ەلوردانىڭ كوميسسيالارى ۇسىنعان دەرەكتەرگە سايكەس, 2022 جىلعى 5 ماۋسىم ساعات 10.00-دەگى جاعداي بويىنشا تىزىمگە ەنگىزىلگەن ازاماتتاردىڭ جالپى سانىنىڭ 28,59 % بيۋللەتەن العانىن ايتتى.

ونىڭ ىشىندە:

اقمولا وبلىسى بويىنشا – 26,63 %

اقتوبە وبلىسى بويىنشا – 25,62 %

الماتى وبلىسى بويىنشا – 28,53 %

اتىراۋ وبلىسى بويىنشا – 29,87 %

باتىس قازاقستان وبلىسى بويىنشا – 32,20 %

جامبىل وبلىسى بويىنشا – 32,16 %

قاراعاندى وبلىسى بويىنشا – 33,56 %

قوستاناي وبلىسى بويىنشا – 30,14 %

قىزىلوردا وبلىسى بويىنشا – 28,87 %

ماڭعىستاۋ وبلىسى بويىنشا – 23,67 %

پاۆلودار وبلىسى بويىنشا – 33,14 %

سولتۇستىك قازاقستان وبلىسى بويىنشا – 34,17 %

تۇركىستان وبلىسى بويىنشا – 33,15 %

شىعىس قازاقستان وبلىسى بويىنشا – 29,88 %

نۇر-سۇلتان قالاسى بويىنشا – 24,18 %

الماتى قالاسى بويىنشا – 13,91 %

شىمكەنت قالاسى بويىنشا – 34,19 %.

ازاماتتاردىڭ ۋچاسكەلەرگە كەلۋى تۋرالى كەلەسى اقپارات ەلوردا ۋاقىتى بويىنشا ساعات 12.00-دە, 14.00-دە, 16.00-دە, 18.00-دە جانە 20.00-دە بەرىلەتىن بولادى. ال ازاماتتاردىڭ ۋچاسكەلەرگە كەلۋى تۋرالى الدىن الا جاسالاتىن جالپى قورىتىندى اقپارات ساعات 22.00-دە بەرىلەدى.

ايتا كەتەيىك, بۇگىن ەلىمىزدە كونستيتۋتسياعا وزگەرىستەر ەنگىزۋ بويىنشا رەسپۋبليكالىق رەفەرەندۋم ءوتىپ جاتىر. 

وسىدان تۋرا ءبىر اي بۇرىن پرەزيدەنت قاسىم-جومارت توقاەۆ 5 ماۋسىمدا رەسپۋبليكالىق رەفەرەندۋم وتكىزۋ تۋرالى جارلىققا قول قويعان بولاتىن.

بارلىعى رەسپۋبليكا بويىنشا 10 013 داۋىس بەرۋ ۋچاسكەسى جۇمىس ىستەيدى. قازاقستاندىقتار سونداي-اق شەتەلدەردە داۋىس بەرۋگە قۇقىلى.

رەفەرەندۋمدا داۋىس بەرۋگە قۇقىلى ازاماتتاردىڭ تىزىمىنە 11,7 ملن سايلاۋشى قوسىلعان. بارلىعى 10 013 رەفەرەندۋم ۋچاسكەسى ىسكە قوسىلدى.

بارلىق سايلاۋ ۋچاسكەسى تاڭعى 7:00-دەن 20:00-گە دەيىن جۇمىس ىستەيدى.